ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದಕ್ಷಿಣ ಕೆರೊಲಿನಾದಲ್ಲಿ ಅಮೆರಿಕದ ಯುದ್ಧ ವಿಮಾನ F-35 ನಾಪತ್ತೆಯಾಗಿದೆ. ವಿಮಾನವನ್ನು ಪತ್ತೆಹಚ್ಚಲು ಸಹಾಯ ಮಾಡುವಂತೆ ಅಮೆರಿಕದ ಮಿಲಿಟರಿ ಅಧಿಕಾರಿಗಳು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.
ಬದಲಾದ ಹವಾಮಾನವಿದ್ದ ಕಾರಣ, ವಿಮಾನ ಅಪಘಾತಕ್ಕೀಡಾಗಿತ್ತು, ಪೈಲಟ್ ವಿಮಾನದಿಂದ ಹಾರುವ ಮೂಲಕ ಪ್ರಾಣ ಉಳಿಸಿಕೊಂಡಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಚಾರ್ಲ್ಸ್ಟನ್ ನಗರದ ಉತ್ತರಕ್ಕೆ ಎರಡು ಸರೋವರಗಳ ಸುತ್ತಲೂ ಯುದ್ಧ ವಿಮಾನಕ್ಕೆ ಹುಡುಕಾಟ ನಡೆಸಲಾಗುತ್ತಿದೆ. ಪೈಲಟ್ ಸುರಕ್ಷಿತವಾಗಿ ಜಾಯಿಂಟ್ ಬೇಸ್ಗೆ ಮರಳಿದ್ದಾರೆ ಆದರೆ ವಿಮಾನ ಎಲ್ಲಿದೆ ಎಂಬುದೇ ತಿಳಿಯದಂತಾಗಿದೆ ಎಂದು ಮೇಜರ್ ಸಲಿನಾಸ್ ಹೇಳಿದ್ದಾರೆ.
ಎಎಫ್ಪಿ ವರದಿಯ ಪ್ರಕಾರ, ಲಾಕ್ಹೀಡ್ ಮಾರ್ಟಿನ್ ತಯಾರಿಸಿದ ಪ್ರತಿ ವಿಮಾನಗಳಿಗೆ 80 ಮಿಲಿಯನ್ ಡಾಲರ್ ವೆಚ್ಚವಾಗುತ್ತದೆ.