ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ನಿರಂತರವಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುವ ಆನಂದ್‌ ಮಹೀಂದ್ರಾ ಸದಾ ಒಂದಿಲ್ಲೊಂದು ಆಕರ್ಷಕ, ಉತ್ತಮ ಸಂದೇಶ ನೀಡುವ ವಿಡಿಯೋಗಳನ್ನು ಪೋಸ್ಟ್‌ ಮಾಡುತ್ತಾರೆ. ಇದೀಗ ನಮ್ಮ ರಾಜ್ಯದ ಅಂಕೋಲಾ ಬಸ್ ನಿಲ್ದಾಣದಲ್ಲಿ ಹಣ್ಣು ಮಾರುವ ಒಬ್ಬ ಹೆಣ್ಣುಮಗಳ ಕಾರ್ಯವನ್ನು ಪೋಸ್ಟ್‌ ಮಾಡಿ ಶ್ಲಾಘಿಸಿದ್ದಾರೆ.
`ಈಕೆ ಅಂಕೋಲಾ ಬಸ್ ನಿಲ್ದಾಣದಲ್ಲಿ ಹಣ್ಣು ಮಾರಾಟ ಮಾಡುತ್ತಿದ್ದು, ಎಲೆಗಳಲ್ಲಿ ಸುತ್ತಿ ಹಣ್ಣನ್ನು ನೀಡುತ್ತಾರೆ. ಈ ವೇಳೆ ಕೆಲವರು ಹಣ್ಣು ತಿಂದ ಬಳಿಕ ಬಸ್‌ನ ಕಿಟಕಿಯಿಂದಲೋ ಅಥವಾ ದೂರದಲ್ಲೆಲ್ಲೋ ಎಲೆಯನ್ನು ಬಿಸಾಡಿ ಹೋಗಿದ್ದಾರೆ. ಆದರೆ ಈ ಮಹಿಳೆ ಸುಮ್ಮನಾಗದೆ ಅಲ್ಲಿಗೆ ಹೋಗಿ ಎಲೆಗಳನ್ನು ತೆಗೆದುಕೊಂಡು ಬಂದು ಕಸದ ಬುಟ್ಟಿಗೆ ಹಾಕುತ್ತಾಳೆ. ಇದು ಅವಳ ಕೆಲಸವಲ್ಲ ಆದರೂ ಆಕೆ ಈ ಕೆಲಸವನ್ನು ಮುಂದುವರಿಸಿದ್ದಾರೆ’ ಆದರ್ಶ್‌ ಹೆಗಡೆ ಟ್ವೀಟ್‌ ಮಾಡಿದ್ದಾರೆ.
ಆದರ್ಶ್‌ ಹೆಗಡೆ ಟ್ವಿಟ್ಟರ್‌ ಉಲ್ಲೇಖಿಸಿದ ಆನಂದ್‌ ಮಹೀಂದ್ರಾ ಈಕೆಯ ಕಾರ್ಯವನ್ನು ಮೆಚ್ಚಿದ್ದಾರೆ. ʻಇವರು ಸದ್ದಿಲ್ಲದೆ ಸ್ವಚ್ಛ ಭಾರತ್ ಮಾಡುವ ನಿಜವಾದ ಹೀರೋಗಳು. ಆಕೆಯ ಪ್ರಯತ್ನಗಳು ಎಲ್ಲರ ಗಮನಕ್ಕೆ ಬಂದು ಮೆಚ್ಚುಗೆ ಪಡೆಯುವಂತಾಗಬೇಕು. ಸ್ಥಳೀಯರ ಸಹಾಯದಿಂದ ಹೆಣ್ಣುಮಗಳ ಸಂಪರ್ಕ ಸಾಧಿಸಬಹುದಾ?ʼ ಎಂದು ಹೆಗಡೆಯವರಲ್ಲಿ ಮಹೀಂದ್ರಾ ಮನವಿ ಮಾಡಿದ್ದಾರೆ.
These are the real, quiet heroes making Bharat Swachh. I really would like her to know that her efforts have not gone unnoticed & are appreciated. How do you suggest we can do that? @adarshahgd can you find someone who lives in that area & can contact her? https://t.co/2SzlTE9LZy
— anand mahindra (@anandmahindra) April 11, 2023
