ಹೊಸದಿಗಂತ ಡಿಜಿಟಲ್ ಡೆಸ್ಕ್:
ವೃದ್ಧೆಯ ಬದಲು ಬೂತ್ ಏಜೆಂಟ್ ಮತಚಲಾಯಿಸಿ ವಿವಾದ ಸೃಷ್ಟಿಯಾದ ಬೆನ್ನಿಗೇ ಕೇರಳದಲ್ಲಿ ಮತ್ತೊಂದು ನಕಲಿ ಮತದಾನ ಕೃತ್ಯ ಬೆಳಕಿಗೆ ಬಂದಿದೆ.
ಅರನ್ಮುಳ ಕ್ಷೇತ್ರದಲ್ಲಿ ಐದು ವರ್ಷಗಳ ಹಿಂದೆ ಮೃತಪಟ್ಟ ಮಹಿಳೆಯೋರ್ವರ ಹೆಸರಲ್ಲಿ ಆಕೆಯ ಸೊಸೆ ಮತಚಲಾಯಿಸಿದ್ದು, ಈ ಘಟನೆ ಬೆಳಕಿಗೆ ಬರುತ್ತಲೇ ಇಬ್ಬರು ಮತಗಟ್ಟೆ ಅಧಿಕಾರಿಗಳು ಹಾಗೂ ಬಿಎಲ್ಒಗಳನ್ನು ಅಮಾನತುಗೊಳಿಸಲಾಗಿದೆ.
ಪಟ್ಟಿಯಲ್ಲಿ ಕ್ರಮಸಂಖ್ಯೆ ಬದಲಾಗಿದ್ದು, ಹೀಗಾಗಿ ತಪ್ಪಾಗಿ ಮತ ಬದಲಾವಣೆಯಾಗಿದೆ ಎಂದು ಕುಟುಂಬ ಸಮಜಾಯಿಷಿ ನೀಡಿದ್ದಾರೆ, ಈ ಬಗ್ಗೆ ಮತದಾನ ರದ್ದುಪಡಿಸಿ ಚುನಾವಣಾ ಆಯೋಗಕ್ಕೆ ವರದಿ ಸಲ್ಲಿಸಲಾಗುವುದು ಎಂದು ಅಲ್ಲಿನ ಜಿಲ್ಲಾಧಿಕಾರಿ ಹೇಳಿದ್ದಾರೆ.