ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕನಿಷ್ಠ ಎಂಟು ಗಂಟೆಗಳ ಕಾಲ ತಾಮ್ರದ ಪಾತ್ರೆಯಲ್ಲಿಟ್ಟ ನೀರನ್ನು ಕುಡಿಯುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳಿವೆ. ಅನೇಕರಿಗೆ ಇದರ ಅರಿವಿದೆ. ನೀರನ್ನು ಸಂಗ್ರಹಿಸಲು ತಾಮ್ರದ ಪಾತ್ರೆಗಳು, ಮಡಕೆಗಳು ಮತ್ತು ಗಾಜಿನ ಪಾತ್ರೆಗಳನ್ನು ಸಹ ಬಳಸಲಾಗುತ್ತದೆ. ಕೆಲವರು ತಾಮ್ರದ ಪಾತ್ರೆಗಳಲ್ಲಿ ಆಹಾರವನ್ನು ಸೇವಿಸುತ್ತಾರೆ. ತಪ್ಪೇನಿಲ್ಲ ಆದರೆ, ಕೆಲ ಆಹಾರ ಪದಾರ್ಥಗಳನ್ನು ತಾಮ್ರದ ಪಾತ್ರೆಗಳಲ್ಲಿ ತಿನ್ನುವುದು, ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ.
ತಾಮ್ರದ ಪಾತ್ರೆಯಲ್ಲಿ ನಿಂಬೆ ಅಥವಾ ನಿಂಬೆಯಿಂದ ಮಾಡಿದ ಯಾವುದನ್ನಾದರೂ ಸೇವಿಸುವುದು ಆರೋಗ್ಯಕ್ಕೆ ತುಂಬಾ ಹಾನಿಕಾರಕವಾಗಿದೆ. ಸಹಜವಾಗಿ, ನಿಂಬೆ ಆಮ್ಲವನ್ನು ಹೊಂದಿರುತ್ತದೆ. ಇದು ತಾಮ್ರದೊಂದಿಗೆ ಸೇರಿಕೊಂಡು ವಿಷವಾಗುವ ಸಾಧ್ಯತೆ ಇದೆ.
ಮೊಸರು ಅಥವಾ ಮೊಸರಿನಿಂದ ಮಾಡಿದ ಯಾವುದನ್ನಾದರೂ ತಾಮ್ರದ ಪಾತ್ರೆಯಲ್ಲಿ ತಿನ್ನಬಾರದು. ಇದರಿಂದ ನಿಮಗೆ ಆಹಾರ ವಿಷ, ವಾಕರಿಕೆ, ಸಮಸ್ಯೆಗಳು ಎದುರಾಗುತ್ತವೆ.
ತಾಮ್ರದ ಪಾತ್ರೆಗಳಲ್ಲಿ ವಿನೆಗರ್ ಬಳಕೆಯನ್ನು ಸಹ ತಪ್ಪಿಸಬೇಕು. ಏಕೆಂದರೆ ವಿನೆಗರ್ ಆಮ್ಲೀಯ ವಸ್ತುವಾಗಿದೆ. ತಾಮ್ರದ ಪಾತ್ರೆಯಲ್ಲಿ ತಿನ್ನುವುದು ಆರೋಗ್ಯಕ್ಕೆ ತುಂಬಾ ಹಾನಿಕಾರಕ.
ಉಪ್ಪಿನಕಾಯಿಯನ್ನು ತಾಮ್ರದ ಪಾತ್ರೆಯಲ್ಲಿ ಇಟ್ಟು ತಿನ್ನುವ ತಪ್ಪು ಮಾಡಬೇಡಿ. ಉಪ್ಪಿನಕಾಯಿಯಲ್ಲಿರುವ ಹುಳಿ ತಾಮ್ರದಲ್ಲಿ ಇರಿಸಿದರೆ ವಿಷಕಾರಿ ರೂಪವನ್ನು ಪಡೆಯುತ್ತದೆ
ತಾಮ್ರದ ಲೋಟ ಅಥವಾ ಬಟ್ಟಲಿನಲ್ಲಿ ಮಜ್ಜಿಗೆಯನ್ನು ಕುಡಿಯುತ್ತಾರೆ. ಆದರೆ ಈ ರೀತಿ ಮಾಡುವುದು ಆರೋಗ್ಯದ ದೃಷ್ಟಿಯಿಂದ ತುಂಬಾ ಹಾನಿಕಾರಕ.