ಸಾಮಾನ್ಯವಾಗಿ ಕಣ್ಣೀರು ಕಣ್ಣಿನ ಮೇಲ್ಮೈಯನ್ನು ತೇವವಾಗಿರಿಸಲು ಸಹಾಯ ಮಾಡುತ್ತದೆ. ಆದರೆ ಅತಿಯಾಗಿ ನೀರು ಬರುತ್ತಿದ್ದರೆ ಅದಕ್ಕೆ ಈ ಕೆಳಗಿನವುಗಳು ಕಾರಣವಾಗಿರಬಹುದು:
ಕಣ್ಣಿನ ಒಣಗುವಿಕೆ
ಇದು ವಿರೋಧಾಭಾಸ ಎನಿಸಬಹುದು, ಆದರೆ ಕಣ್ಣುಗಳು ತುಂಬಾ ಒಣಗಿದಾಗ, ನಮ್ಮ ದೇಹವು ಅದನ್ನು ಸರಿಪಡಿಸಲು ಅತಿಯಾಗಿ ಕಣ್ಣೀರನ್ನು ಉತ್ಪಾದಿಸುತ್ತದೆ. ಕಂಪ್ಯೂಟರ್ ಅಥವಾ ಮೊಬೈಲ್ ಅತಿಯಾದ ಬಳಕೆ ಇದಕ್ಕೆ ಮುಖ್ಯ ಕಾರಣ.
ಅಲರ್ಜಿಗಳು
ಧೂಳು, ಹೊಗೆ, ಸಾಕುಪ್ರಾಣಿಗಳ ಕೂದಲು ಅಥವಾ ಹೂವಿನ ಪರಾಗಗಳಿಂದ ಕಣ್ಣುಗಳಲ್ಲಿ ತುರಿಕೆ ಉಂಟಾಗಿ ನೀರು ಬರಬಹುದು.
ಕಣ್ಣಿನ ಸೋಂಕು
‘ಕಣ್ಣು ಬರುವುದು’ ಅಥವಾ ಇತರೆ ಬ್ಯಾಕ್ಟೀರಿಯಾ ಸೋಂಕುಗಳಾದಾಗ ಕಣ್ಣು ಕೆಂಪಾಗುವುದು ಮತ್ತು ನಿರಂತರವಾಗಿ ನೀರು ಸುರಿಯುವುದು ಸಾಮಾನ್ಯ.
ಕಣ್ಣೀರಿನ ನಾಳಗಳಲ್ಲಿ ಅಡಚಣೆ
ಕಣ್ಣೀರು ಮೂಗಿನ ಮೂಲಕ ಹೊರಹೋಗಲು ಸಣ್ಣ ನಾಳಗಳಿರುತ್ತವೆ. ಇವುಗಳಲ್ಲಿ ಅಡಚಣೆ ಉಂಟಾದಾಗ ಕಣ್ಣೀರು ಹೊರಹೋಗಲಾಗದೆ ಕಣ್ಣಿನಲ್ಲೇ ನಿಂತು ಹೊರಚೆಲ್ಲುತ್ತದೆ.
ಕಣ್ಣಿನ ರೆಪ್ಪೆಗಳ ಸಮಸ್ಯೆ
ಕೆಲವೊಮ್ಮೆ ಕಣ್ಣಿನ ರೆಪ್ಪೆಗಳು ಒಳಮುಖವಾಗಿ ಅಥವಾ ಹೊರಮುಖವಾಗಿ ತಿರುಗಿದಾಗ ಕಣ್ಣಿನ ಮೇಲ್ಮೈಗೆ ಕಿರಿಕಿರಿ ಉಂಟಾಗಿ ನೀರು ಬರಬಹುದು.
