ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಏಷ್ಯನ್ ಗೇಮ್ಸ್ನಲ್ಲಿ (Asian Games) ಭಾರತದ ಅಥ್ಲೀಟ್ಗಳ ಪದಕಗ ಬೇಟೆ ಮುಂದುವರಿದಿದೆ. ಪುರುಷರ 4X400 ಮೀಟರ್ ರಿಲೇ ತಂಡವೂ ಸ್ವರ್ಣ ಪದಕಕ್ಕೆ ಕೊರಳೊಡ್ಡಿದೆ.
ಈ ಮೂಲಕ ಭಾರತದ ಪದಕಗಳ ಚಿನ್ನದ ಪದಕಗಳ ಸಂಖ್ಯೆ 18ಕ್ಕೆ ಏರಿಕೆಯಾಗಿದೆ. ಬುಧವಾರ ಮೂರು ಚಿನ್ನದ ಪದಕಗಳು ಲಭಿಸಿದಂತಾಗಿದೆ.
ಮೊಹಮ್ಮದ್ ಅನಾಸ್ ಯ್ಯಾಯ್ಯಾ, ಅಮೋಜ್ ಜಾಕೋಬ್, ಮೊಹಮ್ಮದ್ ಅಜ್ಮಲ್ ಹಾಗೂ ರಾಜೇಶ್ ರಮೇಶ್ ಅವರಿದ್ದ ಪುರುಷರ ತಂಡ ಚಿನ್ನದ ಪದಕವನ್ನು ಗೆದ್ದುಕೊಂಡಿದೆ. 3.01. 58 ಸೆಕೆಂಡ್ಗಳಲ್ಲಿ ಓಟ ಮುಗಿಸಿದ ಈ ತಂಡ ರಾಷ್ಟ್ರೀಯ ದಾಖಲೆಯನ್ನೂ ಮುರಿದಿದೆ.
ಮಹಿಳೆಯರ 4×400 ಮೀ. ರಿಲೇ ತಂಡಕ್ಕೆ ಬೆಳ್ಳಿ ಪದಕ ಬಂದಿದೆ. ವಿತ್ಯಾ ರಾಮರಾಜ್, ಐಶ್ವರ್ಯ ಮಿಶ್ರಾ, ಪ್ರಾಚಿ ಮತ್ತು ಶುಭಾ ವೆಂಕಟೇಶನ್ ಒಳಗೊಂಡ ಭಾರತೀಯ ಮಹಿಳಾ 4×400 ಮೀ. ರಿಲೇ ತಂಡ ಏಷ್ಯಾಡ್ನಲ್ಲಿ ಬೆಳ್ಳಿ ಪದಕವನ್ನು ಗೆದ್ದಿದೆ. 2014ರ ಏಷ್ಯನ್ ಗೇಮ್ಸ್ನ ಸಮಯದ ದಾಖಲೆಯನ್ನು ಮುರಿದರು. ಈ ಬಾರಿ ನಾಲ್ವರ ಜೋಡಿ 3:28.68 ಸೆಕೆಂಡಿನ ಸಮಯದಿಂದ ಬೆಳ್ಳಿ ಜಯಿಸಿದೆ. 3:27.65 ಸಮಯದಲ್ಲಿ ಗೆರೆ ತಲುಪಿ ಬಹ್ರೇನ್ ಚಿನ್ನ ಗೆದ್ದರೆ, ಶ್ರೀಲಂಕಾ ಮಹಿಳೆ ಕಂಚಿಗೆ ತೃಪ್ತಿ ಪಟ್ಟರು.