ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಯೂಟ್ಯೂಬ್ ನಲ್ಲಿ ಅಪ್ಲೋಡ್ ಮಾಡುವ ವಿಡಿಯೋಗೆ ಒಂದು ಸಾವಿರ ವ್ಯೂಸ್ ಆಗೋದೆ ಕಷ್ಟ. ಅಂತದರಲ್ಲಿ 2016ರಲ್ಲಿ ಬಿಡುಗಡೆಯಾದ ವಿಡಿಯೋ 10 ಬಿಲಿಯನ್ ವ್ಯೂಸ್ ಪಡೆದುಕೊಳ್ಳುವ ಮೂಲಕ ದಾಖಲೆ ಬರೆದಿದೆ.
ಯುಟ್ಯೂಬ್ನಲ್ಲಿ 2016ರಲ್ಲಿ ಬಿಡುಗಡೆಯಾದ ಬೇಬಿ ಶಾರ್ಕ್ ಹಾಡಿಗೆ ಡ್ಯಾನ್ಸ್ ಮಾಡಿದ ವಿಡಿಯೋ ಈಗ 10 ಬಿಲಿಯನ್ ವೀಕ್ಷಣೆ ಪಡೆದಿದೆ. ಈ ಮೂಲಕ ಅತಿ ಹೆಚ್ಚು ವೀಕ್ಷಣೆ ಪಡೆದಿರುವ ಮೊದಲ ವಿಡಿಯೊ ಇದಾಗಿದೆ.
2016ರ ಜೂನ್ ನಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿತ್ತು. ಈಗ 2022ಕ್ಕೆ ಇದು ಬರೋಬ್ಬರಿ 10,00,87,32,879 ವೀಕ್ಷಣೆ ಪಡೆದುಕೊಂಡಿದೆ.
ಬೇಬಿ ಶಾರ್ಕ್ ಹಾಡನ್ನು ಕೊರಿಯನ್ -ಅಮೆರಿಕನ್ ಗಾಯಕ ಹೋಪ್ ಸೆಗೋಯಿನ್ 2015ರಲ್ಲಿ ಹಾಡಿದ್ದರು. ಈ ವಿಡಿಯೋದಲ್ಲಿ ಇಬ್ಬರು ಮಕ್ಕಳು ಬೇಬಿ ಶಾರ್ಕ್ ಹಾಡಿಗೆ ಡ್ಯಾನ್ಸ್ ಮಾಡಿದ್ದಾರೆ. ಅವರ ಹಿಂದೆ ಶಾರ್ಕ್ ಮೀನು ಕೂಡ ಸುತ್ತಾಡುವ ಆನಿಮೇಟೆಡ್ ವಿಡಿಯೋ ಇದಾಗಿದೆ.
ಈ ಹಾಡು ಬಿಲ್ಬೋರ್ಡ್ ನ 100 ಹಾಟ್ ಹಾಡುಗಳ ಪಟ್ಟಿಯಲ್ಲಿ 32ನೇ ಸ್ಥಾನ ಪಡೆದಿದೆ.
