ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಏಷ್ಯಾಕಪ್ ಇಂದಿನ ಪಂದ್ಯದಲ್ಲಿ ಬಾಂಗ್ಲಾದೇಶ ಅಫ್ಘಾನಿಸ್ಥಾನ ವಿರುದ್ಧ ಉತ್ತಮ ಕಮ್ಬ್ಯಾಕ್ ಮಾಡಿದೆ.
ಮೆಹಿದಿ ಹಸನ್ ಮಿರಾಜ್ ಮತ್ತು ನಜ್ಮುಲ್ ಹೊಸೈನ್ ಶಾಂಟೊ ಅವರು ಭರ್ಜರಿ ಶತಕ ಗಳಿಸಿದ್ದು, ಅಫ್ಘಾನಿಸ್ತಾನಕ್ಕೆ 335 ರನ್ನ ಬೃಹತ್ ಗುರಿಯನ್ನು ನೀಡಿದೆ.
ಮೊದಲ ವಿಕೆಟ್ಗೆ ಮೆಹಿದಿ ಹಸನ್ ಮಿರಾಜ್ ಮತ್ತು ಮೊಹಮ್ಮದ್ ನಯಿಮ್ 60 ರನ್ ಜೊತೆಯಾಟ ಮಾಡಿದರು. 28 ರನ್ ಗಳಿಸಿದ್ದ ನಯಿಮ್ ಕ್ಲೀನ್ ಬೌಲ್ಡ್ಗೆ ಬಲಿಯಾದರು. ಅವರ ಬೆನ್ನಲ್ಲೇ ತೌಹಿದ್ ಹೃದಯೋಯ್ ಶೂನ್ಯಕ್ಕೆ ಔಟ್ ಆದರು. ನಯಿಮ್ ಜೊತೆ ಸೇರಿಕೊಂಡ ನಜ್ಮುಲ್ ಹೊಸೈನ್ ಶಾಂಟೊ ಭರ್ಜರಿ ಇನ್ನಿಂಗ್ಸ್ ಕಟ್ಟಿದರು. ಮೂರನೇ ವಿಕೆಟ್ಗೆ ಈ ಜೋಡಿ 194 ರನ್ನ ಜೊತೆಯಾಟವನ್ನು ಮಾಡಿತು.
ಹಸನ್ ಮಿರಾಜ್ 7 ಬೌಂಡರಿ ಮತ್ತು 3ಸಿಕ್ಸ್ ಬಾರಿಸಿ 119 ಬಾಲ್ನಲ್ಲಿ 112 ರನ್ ಗಳಿಸಿದರು. 112 ರನ್ ಗಳಿಸಿ ಆಡುತ್ತಿದ್ದ ಹಸನ್ ಮಿರಾಜ್ ಎಡಗೈ ಗಾಯಕ್ಕೆ ತುತ್ತಾಗಿ ಪಂದ್ಯದಿಂದ ಹೊರನಡೆದರು. ನಜ್ಮುಲ್ ಹೊಸೈನ್ ಶತಕ ದಾಖಲಿಸಿದರು. 105 ಬಾಲ್ನಲ್ಲಿ 104 ರನ್ ಗಳಸಿದ ಅವರು ರನ್ ಔಟ್ಗೆ ಬಲಿಯಾದರು.
ನಂತರ ವಿಕೆಟ್ ಕೀಪರ್ ಮುಶ್ಫಿಕರ್ ರಹೀಮ್ (25) ಮತ್ತು ನಾಯಕ ಶಕೀಬ್ ಅಲ್ ಹಸನ್ ಕೊಂಚ ರನ್ ಸೇರಿಸಿದರು.
ಒಟ್ಟಿನಲ್ಲಿ 50 ಓವರ್ ಮುಕ್ತಾಯಕ್ಕೆ ಬಾಂಗ್ಲಾದೇಶ 5 ವಿಕೆಟ್ ಕಳೆದುಕೊಂಡು 334 ರನ್ ಗಳಿಸಿತು.