ಪ್ರತಿಯೊಬ್ಬರಿಗೂ ತಮ್ಮ ತ್ವಚೆಯು ಸದಾ ಸುಂದರವಾಗಿ ಮತ್ತು ಆರೋಗ್ಯಕರವಾಗಿ ಇರಬೇಕೆಂಬ ಆಸೆ ಇರುತ್ತದೆ. ಆದರೆ ವಯಸ್ಸಾದಂತೆ ನಮ್ಮ ದೇಹದಲ್ಲಿ ಆಗುವ ಹಾರ್ಮೋನ್ ಮತ್ತು ಶಾರೀರಿಕ ಬದಲಾವಣೆಗಳು ಚರ್ಮದ ಮೇಲೆಯೂ ನೇರ ಪರಿಣಾಮ ಬೀರುತ್ತವೆ. ಆದ್ದರಿಂದ ಒಂದೇ ರೀತಿಯ ಆರೈಕೆಯನ್ನು ಎಲ್ಲ ವಯಸ್ಸಿನಲ್ಲೂ ಅನುಸರಿಸುವುದು ಸರಿಯಲ್ಲ. ಪ್ರತಿಯೊಂದು ಹಂತದಲ್ಲೂ ಚರ್ಮಕ್ಕೆ ಸೂಕ್ತ ಆರೈಕೆ ನೀಡುವುದು ಅಗತ್ಯ.
20ರ ಹರೆಯದ ಚರ್ಮದ ಆರೈಕೆ
20ರ ಹರೆಯದಲ್ಲಿ ಚರ್ಮದಲ್ಲಿ ನೈಸರ್ಗಿಕವಾಗಿ ಎಣ್ಣೆಯಂಶ ಮತ್ತು ಕೊಲ್ಯಾಜಿನ್ ಉತ್ಪಾದನೆ ಹೆಚ್ಚಿರುತ್ತದೆ. ಈ ಸಮಯದಲ್ಲಿ ಚರ್ಮವನ್ನು ಸೂರ್ಯನ ಹಾನಿಕಾರಕ ಯುವಿ (UV) ಕಿರಣಗಳಿಂದ ರಕ್ಷಿಸುವುದು ಮೊದಲ ಆದ್ಯತೆಯಾಗಿರಬೇಕು.
- ದಿನವೂ ಉತ್ತಮ ಸನ್ಸ್ಕ್ರೀನ್ ಬಳಸಿ.
- ಚರ್ಮವನ್ನು ದಿನಕ್ಕೆ ಎರಡು ಬಾರಿ ಮೈಲ್ಡ್ ಕ್ಲೆನ್ಸರ್ನಿಂದ ಸ್ವಚ್ಛಗೊಳಿಸಿ.
- ಚರ್ಮಕ್ಕೆ ಅಗತ್ಯವಿರುವ ತೇವಾಂಶ ಕಾಪಾಡಲು ಹಗುರವಾದ ಮೊಯಿಶ್ಚರೈಸರ್ ಬಳಸಿ.
30ರ ಹರೆಯದ ಚರ್ಮದ ಆರೈಕೆ
30 ದಾಟುತ್ತಿದ್ದಂತೆ ಚರ್ಮದ ಕೋಶಗಳ ನವೀಕರಣ ಪ್ರಕ್ರಿಯೆ ನಿಧಾನಗೊಳ್ಳುತ್ತದೆ. ಸಣ್ಣ ಗೆರೆಗಳು ಮತ್ತು ಚರ್ಮದ ಕಾಂತಿ ಕಡಿಮೆಯಾಗುವ ಲಕ್ಷಣಗಳು ಕಾಣಿಸಿಕೊಳ್ಳಬಹುದು.
- ಹೈಲುರಾನಿಕ್ ಆಸಿಡ್ ಮತ್ತು ವಿಟಮಿನ್ C ಹೊಂದಿರುವ ಸೀರಮ್ಗಳನ್ನು ದಿನನಿತ್ಯದ ಆರೈಕೆಯಲ್ಲಿ ಸೇರಿಸಿ.
- ರಾತ್ರಿ ವೇಳೆ ಚರ್ಮಕ್ಕೆ ಪೋಷಣೆ ನೀಡುವ ನೈಟ್ ಕ್ರೀಮ್ ಬಳಸಿ.
- ದಿನಕ್ಕೆ ಕನಿಷ್ಠ 8-10 ಲೋಟ ನೀರು ಕುಡಿದು ಚರ್ಮವನ್ನು ಹೈಡ್ರೇಟ್ ಆಗಿರಿಸಿ.
40 ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ ಆರೈಕೆ
40ರ ನಂತರ ಚರ್ಮದಲ್ಲಿ ಸ್ಥಿತಿಸ್ಥಾಪಕತ್ವ ಕಡಿಮೆಯಾಗಿ ಒಣಚರ್ಮದ ಸಮಸ್ಯೆ ಎದುರಾಗುತ್ತದೆ. ಈ ಹಂತದಲ್ಲಿ ಚರ್ಮದ ಬಿಗಿತ ಮತ್ತು ತೇವಾಂಶವನ್ನು ಕಾಯ್ದುಕೊಳ್ಳುವುದು ಮುಖ್ಯ.
- ಆಂಟಿ-ಏಜಿಂಗ್ ಕ್ರೀಮ್ಗಳು ಮತ್ತು ರೆಟಿನಾಲ್ ಹೊಂದಿರುವ ಉತ್ಪನ್ನಗಳನ್ನು ವೈದ್ಯರ ಸಲಹೆಯಂತೆ ಬಳಸಿ.
- ಚರ್ಮ ಒಣಗದಂತೆ ತಡೆಯಲು ಮೊಯಿಶ್ಚರೈಸರ್ ಅಥವಾ ನ್ಯಾಚುರಲ್ ಆಯಿಲ್ ಬಳಸಿ.
- ಆಹಾರದಲ್ಲಿ ಹೆಚ್ಚು ತರಕಾರಿ, ಹಣ್ಣುಗಳು ಮತ್ತು ಆಂಟಿಆಕ್ಸಿಡೆಂಟ್ ಭರಿತ ಆಹಾರಗಳನ್ನು ಸೇರಿಸಿಕೊಳ್ಳಿ.
