ಸಣ್ಣ ಪುಟ್ಟ ಜಗಳಕ್ಕೂ ಮೂತಿ ಊದುಸ್ಕೊಂಡು ಕೂರ‍್ತ್ಯ, ಚೈಲ್ಡ್ ಥರ ಆಡ್ತ್ಯ, ವಯಸ್ಸಾಗಿದೆ ಅಷ್ಟೆ ಮೆಚ್ಯೂರಿಟಿ ಇಲ್ಲ, ಅದ್ಯಾವಾಗ ಮೆಚುರಿಟಿ ಬರತ್ತೋ ಭಗವಂತನಿಗೇ ಗೊತ್ತು…
ನೀವು ಜೀವನದ ಒಂದಲ್ಲಾ ಒಂದು ಸ್ಟೇಜ್‌ನಲ್ಲಿ ಈ ರೀತಿ ಯಾರಿಂದಲಾದರೂ ಬೈಸ್ಕೊಂಡಿಲ್ವಾ? ಮೆಚ್ಯೂರ್ ಆಗಿ ಬಿಹೇವ್ ಮಾಡೋದು ಅಂದ್ರೇನು? ಯಾವಾಗ್ಲೂ ಗಂಭೀರವಾಗಿ ಕೂತಿರಬೇಕಾ? ಈ ರೀತಿ ಅನುಮಾನ ಕಾಡಿದ್ರೆ ಈ ಆರು ಮಾರ್ಗಗಳನ್ನು ಅನುಸರಿಸಿ ನೋಡಿ..
- ರಿಯಾಲಿಟಿ ಒಪ್ಪಿಕೊಳ್ಳಿ, ಕೆಲಸದಿಂದ ನಿಮ್ಮನ್ನು ತೆಗೆದಿದ್ದಾರೆ, ಹೌದು, ಸರಿ ಅಲ್ಲೇ ಸುತ್ತುವ ಬದಲು, ಒಂದೆರಡು ದಿನ ಬ್ರೇಕ್ ಪಡೆದು ಬೇರೆ ಕೆಲಸ ಹುಡುಕಬೋದಲ್ವಾ? ರಿಯಾಲಿಟಿ ಮೊದಲು ಒಪ್ಪಿಕೊಳ್ಳಿ, ವಾಸ್ತವವೇ ಸತ್ಯ.
- ನಿಮ್ಮ ಭಾವನೆಗಳನ್ನು ಕಂಟ್ರೋಲ್ ಮಾಡೋದನ್ನು ಕಲಿತುಕೊಳ್ಳಿ. ಸಿಟ್ಟು ಬಂದಾಗ ಅತಿಯಾಗಿ ಮಾತನಾಡೋದು, ನೋವಾದಾಗ ಅತ್ತು ರಂಪ ಮಾಡೋದು, ಖುಷಿಯಾದಾಗ ಅಕ್ಕಪಕ್ಕದವರಿಗೆ ನೋವಾಗಿದೆ ಎನ್ನೋದನ್ನು ಮರೆತು ಕುಣಿಯೋದು. ಎಲ್ಲ ಭಾವನೆಗಳನ್ನು ತೋರಿಸಬೇಕು, ಸಂದರ್ಭಕ್ಕೆ ತಕ್ಕಂತೆ ಭಾವನೆಗಳನ್ನು ಹಿಡಿದಿಟ್ಟುಕೊಳ್ಳಿ.
- ಮಾನಸಿಕ ಆರೋಗ್ಯ, ದೈಹಿಕ ಆರೋಗ್ಯದಷ್ಟೇ ಮುಖ್ಯ. ಕೈ ನೋವು ಎಂದು ಆಸ್ಪತ್ರೆಗೆ ಹೋಗೋ ನೀವು ಮನಸ್ಸಿಗೆ ಆದ ನೋವಿಗೆ ಏನ್ ಮಾಡ್ತೀರಿ? ಮನಸ್ಸಿನಲ್ಲಿಯೇ ಇಟ್ಟುಕೊಂಡು ಕೊರಗುತ್ತೀರಿ. ಹೀಗೆ ನಿಮ್ಮ ಮಾನಸಿಕ ಆರೋಗ್ಯದ ಕಡೆ ಗಮನಕೊಡಿ.
- ಯಾರನ್ನೂ ಜಡ್ಜ್ ಮಾಡಬೇಡಿ. ನಿಮ್ಮ ಕಣ್ಣೆದುರೇ ಅವರು ಏನೋ ಮಾಡಿರಬಹುದು, ಆದರೆ ಒಂದು ನಿಮಿಷದ ಘಟನೆಯಿಂದ ಜನರನ್ನು ಅಳೆಯಬೇಡಿ. ಯಾರ ಜೀವನ ಎಷ್ಟು ಕಷ್ಟವಾಗಿದ್ಯೋ ಯಾರಿಗೆ ಗೊತ್ತು?
- ಯಾವುದೋ ಜಗಳ, ಗಲಾಟೆ ಆಗ್ತಿದ್ರೆ ಅದರಿಂದ ದೂರ ಇರಿ. ಅಥವಾ ನಿಮ್ಮ ಮನೆಯಲ್ಲೇ ಗಲಾಟೆ ಆಗ್ತಿದ್ರೆ ಸುಮ್ಮನೆ ನಿಂತುಬಿಡಿ. ಮಾತು ಆಡಿದರೆ ಸಂಬಂಧವೇ ಒಡೆದುಹೋಗಬಹುದು.
- ನಿಮ್ಮ ಖುಷಿಗೆ ಬೇರೆಯವರ ಹೆಸರ‍್ಯಾಕೆ? ನಿಮ್ಮ ಸಂತೋಷಕ್ಕೆ ಬೇರೆಯವರನ್ನು ಹೊಣೆ ಮಾಡಬೇಡಿ. ನೀವು ಖುಷಿಯಾಗಿದ್ರೆ ಸಾಕು, ನಿಮ್ಮಲ್ಲೇ ಖುಷಿಯನ್ನು ಕಂಡುಕೊಳ್ಳಿ ಜಗತ್ತೇ ಖುಷಿಯಾಗಿ ಇರುತ್ತದೆ.
- Advertisement -
