ಮನೆಗೆ ಪುಟಾಣಿ ಅತಿಥಿ ಬರೋದು ಎಂದರೆ ಎಂಥಾ ಸಂಭ್ರಮ. ಮಗುವನ್ನು ಯಾರಿಗೂ ತೋರಿಸದೇ ಕೋಣೆಯಲ್ಲೇ ಇಟ್ಟುಕೊಳ್ಳೋದು, ತೋರಿಸಿದರೂ ತೋರಿಸದಂತೆ ಒಂದು ಝಲಕ್ ಅಷ್ಟೇ ತೋರಿಸಿ ಮಗುಗೆ ಹಸಿವಾಗಿದೆ ಎಂದು ರೂಮಿಗೆ ಕಳಿಸೋದು ಮಾಡೇ ಮಾಡುತ್ತಾರೆ.
ಮಕ್ಕಳಿಗೆ ದೃಷ್ಟಿ ಆಗಬಾರದು ಎಂದು ಮಗುವಿನ ಕಣ್ಣಿಗೆ ಕಾಜಲ್, ಹುಬ್ಬಿಗೆ ಕಣ್ಣುಕಪ್ಪು, ಹಣೆಗೆ ದೊಡ್ಡ ಬೊಟ್ಟಿಟ್ಟು ಮಗು ಸುಂದರವಾಗಿ ಕಾಣದಂತೆ ಮಾಡುತ್ತಾರೆ. ಕಾಜಲ್ ಹಚ್ಚುವುದರಿಂದ ಮಗುವಿನ ಕಣ್ಣು ಜಿಂಕೆ ರೀತಿ ಸುಂದರವಾಗಿ ಇರುತ್ತದೆ ಎನ್ನುವ ನಂಬಿಕೆ ಇದೆ. ಇನ್ನು ಹುಬ್ಬಿಗೆ ಬಳಿದರೆ ಗಾಢವಾದ ಹುಬ್ಬುಗಳು ಮಗುವಿನದ್ದಾಗುತ್ತದೆ ಎನ್ನುವುದು ದೊಡ್ಡವರ ನಂಬಿಕೆ.
ಕಣ್ಕಪ್ಪು ಮಕ್ಕಳಿಗೆ ಒಳ್ಳೆಯದಾ?
ಎಲ್ಲಾ ರೀತಿಯ ಕಾಡಿಗೆಯಲ್ಲಿಯೂ ಲೆಡ್ ಅಂಶವಿದೆ. ಲೆಡ್ ಅಂಶ ವಿಷಕಾರಿ. ಇದು ಕಿಡ್ನಿ, ಮೆದುಳು, ಬೋನ್ ಮ್ಯಾರೋ ಹಾಗೂ ಇತರೆ ಅಂಗಗಳನ್ನು ಡ್ಯಾಮೇಜ್ ಮಾಡುವ ಶಕ್ತಿ ಹೊಂದಿದೆ. ಕಡೆಗೆ ರಕ್ತದಲ್ಲಿ ಹೆಚ್ಚು ಲೆಡ್ ಇದ್ದರೆ ಕೋಮ ಅಥವಾ ಸಾವು ಕೂಡ ಸಂಭವಿಸಬಹುದು. ಮಕ್ಕಳಿಗೆ ಕಾಡಿಗೆ, ಪೌಡರ್ ಹಚ್ಚುವುದನ್ನು ನಿಲ್ಲಿಸಿ. ಮಕ್ಕಳು ಹೇಗಿದ್ದಾರೋ ಹಾಗೇ ಸುಂದರವಾಗಿ ಇರಲು ಬಿಡಿ.