ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಚಂದ್ರಯಾನ-3 ಚಂದ್ರನ ದಕ್ಷಿಣ ಧ್ರುವದಲ್ಲಿ (Moon South Pole) ನೌಕೆ ಯಶಸ್ಸಿಯಾಗಿ ಇಳಿದಿದ್ದು, ಈ ಮೂಲಕ ಭಾರತ ಸಾಧನೆ ಮಾಡಿದೆ.
ಈ ಕ್ಷಣಕ್ಕೆ ದಕ್ಷಿಣ ಆಫ್ರಿಕಾದ ಜೋಹಾನ್ಸ್ಬರ್ಗ್ನಲ್ಲಿ ಬ್ರಿಕ್ಸ್ ಸಭೆಯಲ್ಲಿದ್ದ ಪ್ರಧಾನಿ ನರೇಂದ್ರ ಮೋದಿ ಅಲ್ಲಿಂದಲೇ ಆನ್ಲೈನ್ನಲ್ಲಿ ಈ ಸಾಕ್ಷಿಯಾದರು.ಇತ್ತ ದೇಶವಾಸಿಗಳು ಕೂಡ ಚಂದ್ರಯಾನ-3 ನೆಲ ಸ್ಪರ್ಶಿಸುವ ಕ್ಷಣದಲ್ಲಿ ವಿವಿಧ ಸಾಮಾಜಿಕ ಜಾಲತಾಣದ ಮೂಲಕ ಜೊತೆಯಾದರು.
ಯೂಟ್ಯೂಬ್ನಲ್ಲಿ 82 ಲಕ್ಷಕ್ಕೂ ಹೆಚ್ಚು ಮಂದಿ ಆ ಕ್ಷಣಗಳನ್ನು ನೇರವಾಗಿ ವೀಕ್ಷಿಸಿದ್ದು ವಿಶೇಷವಾಗಿತ್ತು. ಇದು ಯೂಟ್ಯೂಬ್ ಮಟ್ಟಿಗೆ ಹೊಸ ದಾಖಲೆಯೇ ಆಗಿದೆ.
2022ರ ಫೀಫಾ ವರ್ಲ್ಡ್ ಕಪ್ ಕ್ವಾರ್ಟರ್ಫೈನಲ್ ಪಂದ್ಯ ಯೂಟ್ಯೂಬ್ನಲ್ಲಿ 61 ಲಕ್ಷ ನೇರ ವೀಕ್ಷಕರನ್ನು ಕಂಡಿತ್ತು. ಇದು ಯೂಟ್ಯೂಬ್ನಲ್ಲಿ ಅತಿಹೆಚ್ಚು ನೇರ ವೀಕ್ಷಣೆ ಪಡೆದ ಕಾರ್ಯಕ್ರಮ ಎಂಬ ದಾಖಲೆ ಬರೆದಿತ್ತು.
ಈಗ ಯೂಟ್ಯೂಬ್ನಲ್ಲಿ ಇಸ್ರೋದ ಚಾನಲ್ನಲ್ಲಿ ಚಂದ್ರಯಾನ ಕಾರ್ಯಕ್ರಮದ ನೇರ ಪ್ರಸಾರ ಇತ್ತು. ಲ್ಯಾಂಡಿಂಗ್ ಕ್ಷಣ ಸಮೀಪಿಸುವಾಗ ಲೈವ್ ವೀಕ್ಷಕರ ಸಂಖ್ಯೆ 82 ಲಕ್ಷ ದಾಟಿ ಹೋಗಿತ್ತು. ಇದರೊಂದಿಗೆ ಯೂಟ್ಯೂಬ್ ಲೈವ್ ವೀಕ್ಷಣೆಯಲ್ಲಿ ಚಂದ್ರಯಾನ ಪ್ರಸಾರ ಹೊಸ ದಾಖಲೆ ಸ್ಥಾಪಿಸಿದೆ.