ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಹೆಚ್ಚು ನಕ್ಸಲ್‌ ಪೀಡಿದ ಪ್ರದೇಶಗಳಲ್ಲಿ ಛತ್ತೀಸ್‌ ಗಢ ಕೂಡ ಒಂದು. ಇದೀಗ ರಾಜ್ಯದ ಸುಕ್ಮಾ ಜಿಲ್ಲೆಯಲ್ಲಿ ನಾಲ್ವರು ಮಹಿಳೆಯರು ಸೇರಿ 19 ನಕ್ಸಲರು ಶರಣಾಗಿದ್ದಾರೆ.
ಈ ಬಗ್ಗೆ ಮಾಹಿತಿ ನೀಡಿದ ಪೊಲೀಸರು, ಮಾವೋವಾದಿ ಸಿದ್ದಾಂತದ ಬಗ್ಗೆ ನಿರಾಶೆಗೊಂಡ ಕಾರಣ ಭಾನುವಾರ ಸಂಜೆ ಜಿಲ್ಲೆಯ ಭೆಜ್ಜಿ ಪೊಲೀಸ್ ಠಾಣೆಯಲ್ಲಿ ಪೊಲೀಸ್ ಮತ್ತು ಸಿಆರ್ ಪಿಎಫ್‌ ಅಧಿಕಾರಿಗಳ ಮುಂದೆ ಶರಣಾಗಿದ್ದಾರೆ.
ಶರಣಾದ ಎಲ್ಲಾ ನಕ್ಸಲರು ಭೆಜ್ಜಿ ಪ್ರದೇಶದ ಬೋಧರಾಜಪದರ್‌ ಗ್ರಾಮದವರಾಗಿದ್ದು, ಮಾವೋವಾದಿ ಚಟುವಟಿಕೆಗಳ ಕೆಳ ಹಂತದ ಕಾರ್ಯಕರ್ತರಾಗಿದ್ದರು ಎಂದು ಹೇಳಲಾಗಿದೆ.
ಈ ಎಲ್ಲಾ 19 ನಕ್ಸಲರು ತಮ್ಮ ಶಸ್ತ್ರಾಸ್ತ್ರಗಳನ್ನು ತ್ಯಜಿಸಿದ್ದು, ಪುನರ್ವಸತಿ ಅಭಿಯಾನದಡಿ ಸರ್ಕಾರದ ಸೌಲಭ್ಯ ನೀಡಲಾಗುತ್ತದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
