ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕ್ರಿಕೆಟ್ ನಲ್ಲಿ ಒಂದಲ್ಲ ಒಂದು ಊಹಿಸಲಾಗದ ಘಟನೆಗಳು ನಡೆಯುತ್ತಲೇ ಇರುತ್ತವೆ. ಕೆಲವು ಕ್ಯಾಚ್ ಗಳು, ಮತ್ತೆ ಕೆಲವು ಬ್ಯಾಟಿಂಗ್ ಗಳು. ಈಗ ಅಂತಹದ್ದೇ ಒಂದು ಸ್ಫೋಟಕ ಬ್ಯಾಟಿಂಗ್ ವಿಕ್ಟೋರಿಯಾ ಪ್ರೀಮಿಯರ್ ಕ್ರಿಕೆಟ್ನಲ್ಲಿ ನಡೆದಿದೆ.
ಕೇವಲ 72 ಬಾಲ್ಸ್ ನಲ್ಲಿ ಬರೋಬ್ಬರಿ 237 ರನ್ ಗಳಿಸುವ ಮೂಲಕ ಕ್ಯಾಂಪರ್ವೆಲ್ ಮ್ಯಾಗ್ಪಿಸ್ ತಂಡದ ಮೆಲ್ಬೋರ್ನ್ ಬ್ಯಾಟರ್ ಕ್ರಿಸ್ ಡೆವ್ಲಿಸ್ ಸ್ಫೋಟಕ ಬ್ಯಾಟಿಂಗ್ ಮಾಡಿದ್ದಾರೆ.
ಆಸ್ಟ್ರೇಲಿಯಾದಲ್ಲಿ ಕಿಂಗ್ಸ್ಟೋನ್ ಹಾಥೋರ್ನ್ ಮತ್ತು ಕ್ಯಾಂಪರ್ವೆಲ್ ಮ್ಯಾಗ್ಪಿಸ್ ನಡುವಿನ ಪಂದ್ಯದಲ್ಲಿ ಕ್ರಿಸ್ ಡೆವ್ಲಿಸ್ ಅವರು 72 ಎಸೆತಗಳಲ್ಲಿ 20 ಬೌಂಡರಿ, 24 ಸಿಕ್ಸರ್ ಬಾರಿಸಿರುವ ಮೂಲಕ ಕ್ರಿಕೆಟ್ ಪ್ರೇಮಿಗಳ ಮನಗೆದ್ದಿದ್ದಾರೆ.
ಇವರ ಆಟದಿಂದ ಕ್ಯಾಂಪರ್ವೆಲ್ ಮ್ಯಾಗ್ಪಿಸ್ ತಂಡ 50 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 441 ರನ್ ಗಳಿಸಿತು. ಕ್ರಿಸ್ ಅವರ ಈ 237 ರನ್ ದಾಖಲೆಯಾಗಿದ್ದು, ವಿಕ್ಟೋರಿಯಾ ಪ್ರೀಮಿಯರ್ ಕ್ರಿಕೆಟ್ನಲ್ಲಿ ಗಳಿಸಿದ 6ನೇ ಅತಿ ಹೆಚ್ಚು ರನ್ ಇವರದ್ದಾಗಿದೆ.