ಕೊರೋನಾ ಕರಿನೆರಳು: 2022ರ ಐಪಿಎಲ್ ಎಲ್ಲಿ ನಡೆಯುತ್ತೆ?

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ದೇಶದಲ್ಲಿ ಕೊರೋನಾ ಹೆಚ್ಚುತ್ತಿರುವ ಹಿನ್ನೆಲೆ 2022ರ ಇಂಡಿಯನ್ ಪ್ರೀಮಿಯರ್​ ಲೀಗ್ ಅನ್ನು ದಕ್ಷಿಣ ಅಫ್ರಿಕಾ ಅಥವಾ ಶ್ರೀಲಂಕಾದಲ್ಲಿ
ಆಯೋಜಿಸುವ ಸಾಧ್ಯತೆ ದಟ್ಟವಾಗಿದೆ ಎಂದು ಪತ್ರಿಕೆಯೊಂದು ವರದಿ ಮಾಡಿದೆ
14ನೇ ಆವೃತ್ತಿ ವೇಳೆ ಕೊರೋನಾ ಹೆಚ್ಚಾದ ಕಾರಣಕ್ಕೆ ಐಪಿಎಲ್​ ಸ್ಥಗಿತಗೊಳಿಸಿ ಸೆಪ್ಟೆಂಬರ್​ನಲ್ಲಿ ಯುಎಇನಲ್ಲಿ 2ನೇ ಹಂತ ಮುಗಿಸಲಾಯಿತು. ದಕ್ಷಿಣ ಆಫ್ರಿಕಾದಲ್ಲಿ ನಡೆಸಲು ಬಿಸಿಸಿಐ ಚಿಂತಿಸಿದೆ ಎನ್ನಲಾಗುತ್ತಿದೆ.
ಎಲ್ಲಾ ಸಮಯದಲ್ಲೂ ಯುಎಇ ಮೇಲೆ ಅವಲಂಬಿತವಾಗಲು ಆಗುವುದಿಲ್ಲ. ಹಾಗಾಗಿ ಈ ಬಾರಿ ಹೊಸ ಆಯ್ಕೆಗಳನ್ನು ಅನ್ವೇಷಣೆ ಮಾಡಲು ನಿರ್ಧರಿಸಿದ್ದೇವೆ. ದಕ್ಷಿಣ ಆಫ್ರಿಕಾದ ಸಮಯದ ವ್ಯತ್ಯಾಸ ನಮ್ಮ ಆಟಗಾರರಿಗೆ ಸರಿಹೊಂದುತ್ತದೆಎಂದು ಬಿಸಿಸಿಐ ಅಧಿಕಾರಿಗಳು ಹೇಳಿದ್ದಾರೆ ಎನ್ನಲಾಗುತ್ತಿದೆ.
ಇನ್ನು ಈ ಬಾರಿ ಲಖನೌ ಮತ್ತು ಅಹ್ಮದಾಬಾದ್​ ಫ್ರಾಂಚೈಸಿಗಳ ಸೇರ್ಪಡೆಗೊಂಡಿದ್ದು, ಒಂದು ವೇಳೆ ಈ ಬಾರಿಯೂ ಭಾರತದಿಂದ ಲೀಗ್​ ಹೊರಗೆ ನಡೆಸಲು ನಿರ್ಧರಿಸಿದರೆ ದಕ್ಷಿಣ ಆಫ್ರಿಕಾದಲ್ಲಿ ಐಪಿಎಲ್​ 2ನೇ ಬಾರಿ ನಡೆದಂತಾಗುತ್ತದೆ. ಹಾಗು ಭಾರತದಲ್ಲಿ ಲೋಕಸಭೆ ಚುನಾವಣೆ ಆಯೋಜನೆಗೊಂಡಿದ್ದರಿಂದ 2009ರಲ್ಲಿ ದ.ಆಫ್ರಿಕಾದಲ್ಲಿ 2ನೇ ಆವೃತ್ತಿಯ ಐಪಿಎಲ್ ನಡೆಸಲಾಗಿತ್ತು.
ಪ್ರಸ್ತುತ ಸೋಂಕು ಪ್ರಕರಣಗಳು ಕಡಿಮೆಯಾಗುತ್ತಿರುವುದರಿಂದ 2022ರ ಲೀಗ್​ಗೆ ‘ರೈಂಬೋ ನೇಷನ್’​ ಸರಿಯಾದ ಆಯ್ಕೆ ಎನ್ನಲಾಗುತ್ತಿದೆ. ಒಂದು ವೇಳೆ ಇಲ್ಲಿಯೂ ಸಾಧ್ಯವಾಗದಿದ್ದರೆ ಶ್ರೀಲಂಕಾ ಬಿಸಿಸಿಐ ಮುಂದಿರುವ ಮತ್ತೊಂದು ಆಯ್ಕೆಯಾಗಿದೆ.

ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ

LEAVE A REPLY

Please enter your comment!
Please enter your name here

error: Content is protected !!