ಸಂಜೆಯ ಸಮಯಕ್ಕೆ ಚಹಾದ ಜೊತೆ ಕ್ರಿಸ್ಪಿ ಸ್ನ್ಯಾಕ್ ಬೇಕೆಂದರೆ ಆಲೂ ಫ್ರೈ ಒಂದು ಸೂಪರ್ ಆಯ್ಕೆ. ಇದು ಮನೆಯಲ್ಲೇ ತಯಾರಿಸಬಹುದಾದ ಸಿಂಪಲ್ ಮತ್ತು ರುಚಿಯಾದ ಪಕೋಡಾ ಟೈಪ್ ಸ್ನ್ಯಾಕ್. ಹೊರಗೆ ಕುರುಕುರು, ಒಳಗೆ ಮೃದುವಾಗಿರುವ ಈ ಆಲೂ ಸ್ಟೈಲಿ ಎಲ್ಲರಿಗೂ ತುಂಬಾ ಇಷ್ಟವಾಗುತ್ತದೆ.
ಬೇಕಾಗುವ ಸಾಮಗ್ರಿಗಳು:
ಆಲೂಗಡ್ಡೆ – 3 ಮಧ್ಯಮ ಗಾತ್ರದ್ದು
ಅಕ್ಕಿ ಹಿಟ್ಟು – 2 ಟೇಬಲ್ಸ್ಪೂನ್
ಕಡಲೆ ಹಿಟ್ಟು – 3 ಟೇಬಲ್ಸ್ಪೂನ್
ಮೆಣಸಿನ ಪುಡಿ – 1 ಟೀ ಸ್ಪೂನ್
ಹಸಿಮೆಣಸು ಪೇಸ್ಟ್ – 1 ಟೀ ಸ್ಪೂನ್
ಹಿಂಗು – ಸ್ವಲ್ಪ
ಉಪ್ಪು – ರುಚಿಗೆ ತಕ್ಕಷ್ಟು
ನೀರು – ಅಗತ್ಯಕ್ಕೆ ತಕ್ಕಷ್ಟು
ಎಣ್ಣೆ – ಕರಿಯಲು
ಮಾಡುವ ವಿಧಾನ:
ಮೊದಲು ಆಲೂಗಡ್ಡೆ ತುಂಡುಗಳನ್ನು ನೀರಿನಲ್ಲಿ ತೊಳೆದು ಬೇಯಿಸಿ ಇಡಿ. ಒಂದು ಬಟ್ಟಲಿನಲ್ಲಿ ಬೆಸನ್, ಅಕ್ಕಿ ಹಿಟ್ಟು, ಮೆಣಸಿನ ಪುಡಿ, ಹಸಿಮೆಣಸು ಪೇಸ್ಟ್, ಉಪ್ಪು, ಹಿಂಗು ಮತ್ತು ಸ್ವಲ್ಪ ನೀರು ಸೇರಿಸಿ ಸಣ್ಣ ದಪ್ಪ ಹದದ ಪೇಸ್ಟ್ ತಯಾರಿಸಿ.
ಆ ಪೇಸ್ಟ್ಗೆ ಆಲೂ ತುಂಡುಗಳನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ. ಈಗ ಎಣ್ಣೆ ಬಿಸಿ ಮಾಡಿ, ಆಲೂ ತುಂಡುಗಳನ್ನು ಒಂದೊಂದಾಗಿ ಹಾಕಿ ಹೊಂಬಣ್ಣ ಬರುವವರೆಗೆ ಕರಿಯಿರಿ. ಬಿಸಿ ಬಿಸಿ ಆಲೂ ಫ್ರೈಯನ್ನು ಟೊಮ್ಯಾಟೊ ಸಾಸ್ ಅಥವಾ ಮಿಂಟ್ ಚಟ್ನಿಯ ಜೊತೆ ಸರ್ವ್ ಮಾಡಿ.
