ಪಿಜ್ಜಾ, ಬರ್ಗರ್, ಫ್ರೆಂಚ್ ಫ್ರೈಸ್, ಚಿಪ್ಸ್… ಇಂತಹ ಜಂಕ್ ಫುಡ್ ನೋಡಿದ ತಕ್ಷಣ ತಿನ್ನಬೇಕು ಅನ್ನೋ ಆಸೆ ಬರುವುದು ಸಹಜ. ಆದರೆ ಆಗಾಗ ಇವುಗಳನ್ನು ತಿನ್ನುವ ಅಭ್ಯಾಸ ತೂಕ ಹೆಚ್ಚಳ ಮತ್ತು ಆರೋಗ್ಯದ ಸಮಸ್ಯೆಗಳಿಗೆ ಕಾರಣವಾಗಬಹುದು. ಜಂಕ್ ಫುಡ್ ಆಸೆಯನ್ನು ಸಂಪೂರ್ಣವಾಗಿ ನಿಲ್ಲಿಸೋದು ಕಷ್ಟವಾದರೂ, ಕೆಲವು ಸರಳ ಅಭ್ಯಾಸಗಳಿಂದ ಅದನ್ನು ಸುಲಭವಾಗಿ ನಿಯಂತ್ರಿಸಬಹುದು.
ಹೊಟ್ಟೆ ಖಾಲಿ ಇಡಬೇಡಿ
ಬಹಳ ಹೊತ್ತು ಏನೂ ತಿನ್ನದೆ ಇದ್ದರೆ ಜಂಕ್ ಫುಡ್ ತಿನ್ನೋ ಆಸೆ ಹೆಚ್ಚಾಗುತ್ತದೆ. ಸಮಯಕ್ಕೆ ಸರಿಯಾಗಿ ಸಮತೋಲನ ಆಹಾರ ಸೇವಿಸಿದರೆ ಅನಗತ್ಯ ಕ್ರೇವಿಂಗ್ಸ್ ಕಡಿಮೆಯಾಗುತ್ತವೆ.
ಹೆಲ್ತಿ ಸ್ನ್ಯಾಕ್ಸ್ ಹತ್ತಿರ ಇಟ್ಟುಕೊಳ್ಳಿ
ಹಣ್ಣುಗಳು, ಹುರಿದ ಕಡಲೆ, ನಟ್ಸ್, ಸ್ಪ್ರೌಟ್ಸ್ ಅಥವಾ ಮೊಸರು ಹತ್ತಿರ ಇದ್ದರೆ ಹಸಿವಾದಾಗ ಜಂಕ್ ಫುಡ್ ಬದಲು ಇವುಗಳನ್ನು ಆಯ್ಕೆ ಮಾಡುವುದು ಸುಲಭ.
ಸಾಕಷ್ಟು ನೀರು ಕುಡಿಯಿರಿ
ಕೆಲವೊಮ್ಮೆ ದಾಹವನ್ನೇ ನಾವು ಹಸಿವು ಅಂತ ಭಾವಿಸುತ್ತೇವೆ. ಜಂಕ್ ಫುಡ್ ತಿನ್ನಬೇಕು ಅನ್ನಿಸಿದಾಗ ಮೊದಲು ಒಂದು ಗ್ಲಾಸ್ ನೀರು ಕುಡಿದು 10 ನಿಮಿಷ ಕಾಯಿರಿ.
ಜಂಕ್ ಫುಡ್ ಮನೆಯಲ್ಲಿ ಸ್ಟಾಕ್ ಮಾಡಬೇಡಿ
ಕೈಗೆ ಸಿಗುವ ಜಾಗದಲ್ಲೇ ಚಿಪ್ಸ್, ಚಾಕೊಲೇಟ್ ಅಥವಾ ಸಿಹಿ ಪದಾರ್ಥಗಳಿದ್ದರೆ ಆಸೆ ಹೆಚ್ಚಾಗುತ್ತದೆ. ಕಣ್ಣಿಗೆ ಕಾಣದಿದ್ದರೆ ತಿನ್ನೋ ಸಾಧ್ಯತೆಯೂ ಕಡಿಮೆಯಾಗುತ್ತದೆ.
ಸಾಕಷ್ಟು ನಿದ್ರೆ ಮಾಡಿ
ನಿದ್ರೆ ಕಡಿಮೆಯಾದರೆ ಹೆಚ್ಚು ಹಸಿವು ಮತ್ತು ಸಿಹಿ ಅಥವಾ ಎಣ್ಣೆಯ ಆಹಾರ ತಿನ್ನೋ ಆಸೆ ಹೆಚ್ಚಾಗಬಹುದು. ದಿನಕ್ಕೆ 7–8 ಗಂಟೆ ನಿದ್ರೆ ಮಾಡುವುದು ಉತ್ತಮ.
ಜಂಕ್ ಫುಡ್ ತಿನ್ನೋ ಆಸೆ ಬರೋದು ತಪ್ಪಲ್ಲ… ಆದರೆ ಪ್ರತಿಬಾರಿ ಅದಕ್ಕೆ ಮಣಿಯದೇ, ಆರೋಗ್ಯಕರ ಆಯ್ಕೆ ಮಾಡೋದು ನಿಜವಾದ ಫಿಟ್ನೆಸ್ ಹ್ಯಾಬಿಟ್.
