ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಈ ಒಳ್ಳೆ ಟೈಮ್ ಅಥವಾ ಅದೃಷ್ಟ ಯಾವ ಸಮಯದಲ್ಲಿ ಯಾವ ರೂಪದಲ್ಲಿ ಯಾರಿಗೆ ಸಿಗುತ್ತೋ ಅನ್ನೋದು ಗೊತ್ತಾಗಲ್ಲ ಆದರೆ ಒಮ್ಮೆ ಆ ಅವಕಾಶ ನಮ್ಮ ಜೀವನದಲ್ಲಿ ಬಂತು ಅಂದರೆ ಆಗ ನಡೆಯುವ ಬದಲಾವಣೆಗಳು ಊಹೆಗೂ ಮೀರಿದ್ದು. ಇದೀಗ ಇಂಥದ್ದೇ ಒಂದು ಟೈಮ್ ನಮ್ಮ ಕನ್ನಡಿಗ ದೇವ್ದತ್ ಪಡಿಕ್ಕಲ್ಗೆ ಒಲಿದು ಬಂದಿದೆ.
ಹೌದು, ಕರ್ನಾಟಕದ ಡೇರಿಂಗ್ ಬ್ಯಾಟರ್ ದೇವ್ದತ್ ಪಡಿಕ್ಕಲ್ ಟೆಸ್ಟ್ ತಂಡಕ್ಕೆ ಆಯ್ಕೆಯಾಗಿದ್ದಾರೆ. ಡೊಮೆಸ್ಟಿಕ್ ಕ್ರಿಕೆಟ್ನಲ್ಲಿ ತನ್ನ ಸಾಮರ್ಥ್ಯವನ್ನು ಪ್ರದರ್ಶಿಸಿದ್ದ ಪಡಿಕ್ಕಲ್ ಇದೀಗ ಟೀಮ್ ಇಂಡಿಯಾಗೆ ಎಂಟ್ರಿ ಕೊಟ್ಟಿದ್ದಾರೆ.
ಇಷ್ಟಕ್ಕೂ ಪಡಿಕ್ಕಲ್ ಆಯ್ಕೆ ಆಗಿದ್ದು ಹೇಗೆ? ರಾಜ್ಕೋಟ್ ಟೆಸ್ಟ್ನಿಂದ ಸ್ಟಾರ್ ಬ್ಯಾಟ್ಸ್ಮನ್ ಕೆಎಲ್ ರಾಹುಲ್ ಹೊರಬಿದ್ದಿದ್ದಾರೆ. ಕೆಲವೊಂದು ಕಾರಣಗಳಿಂದ ರಾಹುಲ್ ಹೊರಗುಳಿದಿದ್ದಾರೆ. ಆದರೆ ಆ ಸ್ಥಾನಕ್ಕೆ ಈಗ ಕನ್ನಡದ ಬ್ಯಾಟ್ಸ್ ಮ್ಯಾನ್ ದೇವ್ದತ್ ಪಡಿಕ್ಕಲ್ ಟೀಮ್ ಇಂಡಿಯಾಗೆ ಸೇರಿಕೊಂಡಿದ್ದಾರೆ.
ಪಡಿಕ್ಕಲ್ ಆಯ್ಕೆ ಈಗಾಗಲೇ ಹಲವರಿಗೆ ಅಚ್ಚರಿ ಮೂಡಿಸಿದೆ. ಪಡಿಕ್ಕಲ್ ಇಷ್ಟು ಬೇಗ ಟೀಮ್ ಇಂಡಿಯಾ ಸೇರುತ್ತಾರೆ ಎಂದು ಯಾರು ಊಹಿಸಿರಲಿಲ್ಲ. ಇದೀಗ ದೇವ್ದತ್ ಪಡಿಕ್ಕಲ್ ಎಂಟ್ರಿ ಗೆ ಎಲ್ಲಾ ಲೆಕ್ಕಾಚಾರಗಳು ತಲೆ ಕೆಳಗಾಗಿದೆ.