ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತ ಕ್ರಿಕೆಟ್ ತಂಡದ ವೇಗದ ಬೌಲರ್ ದೀಪಕ್ ಚಾಹರ್ (Deepak Chahar) ಪತ್ನಿ ಜಯಾ ಭಾರಧ್ವಾಜ್ಗೆ 10 ಲಕ್ಷ ರೂಪಾಯಿ ವಂಚಿಸಿದ ಘಟನೆ ನಡೆದಿದೆ.
ಹೈದಾರಾಬಾದ್ ಮೂಲದ ಇಬ್ಬರು ಹಣ ಪಡೆದುಕೊಂಡು ವಾಪಸ್ ಕೊಟ್ಟಿಲ್ಲ ಎಂಬುದಾಗಿ ಆಗ್ರಾದ ಹರಿ ಪರ್ವತ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ದ್ರುವ ಪರೀಕ್ ಹಾಗೂ ಕಮ್ಲೇಶ್ ಪರೀಕ್ ಮೋಸ ಮಾಡಿದ ಆರೋಪಿಗಳು. ಇವರಲ್ಲಿ ಒಬ್ಬ ಹೈದರಾಬಾದ್ ಕ್ರಿಕೆಟ್ ಸಂಸ್ಥೆಯ ಅಧಿಕಾರಿಯೂ ಆಗಿದ್ದರು.
ದೂರಿನ ಪ್ರಕಾರ ಆರೋಪಿಗಳು 2022ರ ಅಕ್ಟೋಬರ್ 7ರಂದು 10 ಲಕ್ಷ ರೂಪಾಯಿ ಪಡೆದುಕೊಂಡಿದ್ದರು. ಅದನ್ನು ಇನ್ನೂ ವಾಪಸ್ ಕೊಟ್ಟಿಲ್ಲ ಎಂದು ಹೇಳಲಾಗಿದೆ.
ದೀಪಕ್ ಚಾಹರ್ ಹಾಗೂ ಜಯ ಭಾರಧ್ವಾಜ್ 2022ರ ಜೂನ್ 2ರಂದು ವಿವಾಹವಾಗಿದ್ದರು.