ತಂಪಾದ ಹವಾಮಾನದಲ್ಲಿ ಅಥವಾ ಗಂಟಲು ನೋವು, ಜ್ವರ, ಜೀರ್ಣಕ್ರಿಯೆ ಸಮಸ್ಯೆ ಇದ್ದಾಗ ಬಿಸಿಬಿಸಿ ಜೀರಿಗೆ ರಸಂ ಒಂದು ಅದ್ಭುತ ಪರಿಹಾರ. ಜೀರಿಗೆ ನಮ್ಮ ಅಡುಗೆಮನೆಯಲ್ಲಿ ಸಾಮಾನ್ಯವಾಗಿ ಬಳಸುವ ಮಸಾಲೆಯಾದರೂ, ಇದರ ಆರೋಗ್ಯಕರ ಗುಣಗಳು ಅನೇಕ. ಜೀರಿಗೆ ರಸಂ ತಿನ್ನಲು ರುಚಿಕರವಾಗಿದ್ದು, ದೇಹವನ್ನು ಹಗುರಗೊಳಿಸಿ ತಕ್ಷಣದ ತಂಪು, ಉರಿಯೂತ ನಿವಾರಣೆ ಮತ್ತು ಜೀರ್ಣಕ್ರಿಯೆಗೆ ಸಹಕಾರ ನೀಡುತ್ತದೆ.
ಬೇಕಾಗುವ ಪದಾರ್ಥಗಳು:
ಜೀರಿಗೆ – 2 ಟೀಸ್ಪೂನ್
ಕರಿಮೆಣಸು – 1 ಟೀಸ್ಪೂನ್
ಬೆಳ್ಳುಳ್ಳಿ – 5 ಕಡಿ
ಟೊಮೇಟೋ – 1 (ಸಣ್ಣದಾಗಿ ಕತ್ತರಿಸಿ)
ಹುಣಸೆ ಹಣ್ಣಿನ ರಸ – ½ ಕಪ್
ಬೆಲ್ಲ – 1 ಟೀಸ್ಪೂನ್
ಕರಿ ಬೇವಿನ ಎಲೆ – 6-8
ಹಸಿಮೆಣಸು – 2
ತುಪ್ಪ ಅಥವಾ ಎಣ್ಣೆ – 2 ಟೀಸ್ಪೂನ್
ಉಪ್ಪು – ಅಗತ್ಯಕ್ಕೆ ತಕ್ಕಷ್ಟು
ನೀರು – 3 ಕಪ್
ಮಾಡುವ ವಿಧಾನ:
ಜೀರಿಗೆ ಮತ್ತು ಕರಿಮೆಣಸನ್ನು ಹುರಿದು, ಮಿಕ್ಸಿಯಲ್ಲಿ ಅರೆದುಕೊಳ್ಳಿ. ಒಂದು ಪಾತ್ರೆಯಲ್ಲಿ ತುಪ್ಪ ಬಿಸಿ ಮಾಡಿ, ಅದಕ್ಕೆ ಸಾಸಿವೆ, ಕರಿ ಬೇವಿನ ಎಲೆ, ಬೆಳ್ಳುಳ್ಳಿ ಹಾಕಿ ಹುರಿಯಿರಿ. ಹುರಿದ ಮೇಲೆ ಕತ್ತರಿಸಿದ ಟೊಮೇಟೋ, ಹಸಿಮೆಣಸು ಸೇರಿಸಿ ಚೆನ್ನಾಗಿ ಬೇಯಿಸಿ.
ನಂತರ ಅದಕ್ಕೆ ಹುಣಸೆ ರಸ, ಬೆಲ್ಲ, ಉಪ್ಪು ಮತ್ತು ನೀರು ಸೇರಿಸಿ ಕುದಿಯಲು ಬಿಡಿ. ಕೊನೆಯಲ್ಲಿ ಪುಡಿ ಮಾಡಿದ ಜೀರಿಗೆ-ಕರಿಮೆಣಸಿನ ಪೇಸ್ಟ್ ಸೇರಿಸಿ, 5 ನಿಮಿಷಗಳ ಕಾಲ ಕುದಿಸಿ.
