ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಜುಲೈ ತಿಂಗಳಲ್ಲಿ ಭಾರತದಲ್ಲಿ ಸೈಬರ್ ಭದ್ರತೆ ಉಲ್ಲಂಘಿಸಿದ ಆರೋಪದ ಮೇಲೆ 23 ಲಕ್ಷ ವಾಟ್ಸ್ಆ್ಯಪ್ ಖಾತೆಗಳನ್ನು ಬ್ಯಾನ್ ಮಾಡಲಾಗಿದೆ.
ಜೊತೆಗೆ 3 ಲಕ್ಷ ಖಾತೆದಾರರಿಗೆ ನೋಟಿಸ್ ನೀಡಲಾಗಿದೆ. ಇದು ಜೂನ್ ತಿಂಗಳ ನಿಷೇಧಕ್ಕಿಂತಲೂ ಅಧಿಕವಾಗಿದ್ದು, ಆ ತಿಂಗಳು 22 ಲಕ್ಷ ಖಾತೆಗಳನ್ನು ವಾಟ್ಸ್ಆ್ಯಪ್ ನಿಷೇಧಿಸಿತ್ತು.
ಸುಳ್ಳು ಮಾಹಿತಿ ಹರಡುವಿಕೆ, ಸೈಬರ್ ಭದ್ರತೆ ಉಲ್ಲಂಘನೆ, ನಿಂದನೆ, ದೇಶದ ಕಾನೂನು ಮತ್ತು ಕಂಪನಿಯ ನಿಮಯಗಳನ್ನು ಮೀರಿ ಹಾನಿಕಾರಕ ಸಂದೇಶ ರವಾನಿಸಿ ದುರುಪಯೋಗ ಮಾಡಿಕೊಂಡ ಬಗ್ಗೆ ದೂರುಗಳು ಬಂದ ಹಿನ್ನೆಲೆಯಲ್ಲಿ ಅಂತಹ ಖಾತೆಗಳನ್ನು ಹುಡುಕಿ ಬ್ಯಾನ್ ಮಾಡಲಾಗಿದೆ.
ವಾಟ್ಸ್ಆ್ಯಪ್ ಕಂಪನಿಗೆ ದೂರು ನೀಡಿ:
ನಿಮಗೆ ವಾಟ್ಸ್ಆ್ಯಪ್ನಿಂದ ತೊಂದರೆ ಉಂಟು ಮಾಡುವ ಖಾತೆಗಳ ಬಗ್ಗೆ ಕಂಪನಿಗೆ ದೂರು ನೀಡುವ ಅವಕಾಶ ನೀಡಲಾಗಿದೆ. ಜನರು [email protected]ಗೆ ದೂರಿನ ಇಮೇಲ್ ಮಾಡಬಹುದು. ಇದಲ್ಲಿ ಆ ಖಾತೆಯೊಂದಿಗೆ ನಿಮಗಾದ ತೊಂದರೆ ಬಗ್ಗೆ ಅದರಲ್ಲಿ ನಮೂದಿಸಬೇಕು. ಇದಕ್ಕೆ ಪುರಾವೆಯಾಗಿ ಸ್ಕ್ರೀನ್‌ಶಾಟ್‌ಗಳನ್ನು ಹಂಚಿಕೊಳ್ಳಿ.
ಇದಲ್ಲದೇ ತೊಂದರೆ ನೀಡುವ ಖಾತೆಯನ್ನು ನೀವೇ ಸ್ವತಃ ಬ್ಲಾಕ್ ಮಾಡಬಹುದು. ಬಳಿಕ ಈ ಬಗ್ಗೆ ಕಂಪನಿಗೆ ದೂರು ನೀಡಿ. ಈ ವೇಳೆ ಕಂಪನಿ ಚಾಟ್‌ನ ಕೊನೆಯ ಐದು ಸಂದೇಶಗಳನ್ನು ಹಂಚಿಕೊಳ್ಳಲು ತಿಳಿಸುತ್ತದೆ. ನೀವು ದೂರು ನೀಡಿದ ಖಾತೆ, ಗುಂಪಿನ ಹೆಸರನ್ನು ತಿಳಿಸಬೇಕು.
