ಹೊಸದಿಗಂತ ವರದಿ, ಮಂಗಳೂರು:
ಐಪಿಎಲ್ ನಾಲ್ಕನೇ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ನಡೆಸಿದ ಲಖನೌ ಸೂಪರ್ ಜೈಂಟ್ಸ್ ಆರಂಭಿಕ ಆಟಗಾರರ ಬ್ಯಾಟಿಂಗ್ ವೈಫಲ್ಯದ ಹೊರತಾಗಿಯೂ ದೀಪಕ್ ಹೂಡಾ(55) ಹಾಗೂ ಆಯೂಷ್ ಬದೌನಿ(54)ರನ್ಗಳ ನೆರವಿನಿಂದ ಎದುರಾಳಿ ಗೆಲುವಿಗೆ 159 ರನ್ ಟಾರ್ಗೆಟ್ ನೀಡಿದೆ.
ಟಾಸ್ ಗೆದ್ದ ಗುಜರಾತ್ ತಂಡ ಎದುರಾಳಿ ತಂಡವನ್ನು ಬ್ಯಾಟಿಂಗ್ಗೆ ಆಹ್ವಾನಿಸಿತು. ಆರಂಭಿಕರಾಗಿ ಕಣಕ್ಕಿಳಿದ ಲಖನೌ ಕ್ಯಾಪ್ಟನ್ ರಾಹುಲ್(0) ಡಕ್ ಆದರು. ಇದರ ಬೆನ್ನಲ್ಲೇ ಕ್ವಿಂಟನ್ ಡಿಕಾಕ್(7ರನ್) ಕೂಡ ವಿಕೆಟ್ ಒಪ್ಪಿಸಿ ನಿರಾಸೆ ಮೂಡಿಸಿದರು. ಇದಾದ ಬಳಿಕ ಬಂದ ಲಿವಿಸ್(10)ರನ್, ಮನೀಷ್ ಪಾಂಡೆ(6)ರನ್ಗಳಿಕೆ ಮಾಡಿ ವಿಕೆಟ್ ಒಪ್ಪಿಸಿ ತಂಡವನ್ನು ಮತ್ತಷ್ಟು ಸಂಕಷ್ಟಕ್ಕೆ ಸಿಲುಕಿಸಿದರು.
ಗುಜರಾತ್ ಬೌಲಿಂಗ್ ದಾಳಿಗೆ ತತ್ತರಿಸಿ ಮೇಲಿಂದ ಮೇಲೆ ವಿಕೆಟ್ ಕಳೆದುಕೊಂಡ ಲಖನೌ ತಂಡಕ್ಕೆ ದೀಪಕ್ ಹೂಡಾ- ಆಯೂಷ್ ಬದೌನಿ ಜೋಡಿ ಉತ್ತಮ ಜೊತೆಯಾಟವಾಡಿತು.ಹೂಡಾ ತಾವು ಎದುರಿಸಿದ 41 ಎಸೆತಗಳಲ್ಲಿ 2 ಸಿಕ್ಸರ್, 6 ಬೌಂಡರಿ ಸಮೇತ 55ರನ್ಗಳಿಕೆ ಮಾಡಿದ್ರೆ, ಬದೌನಿ 41 ಎಸೆತಗಳಲ್ಲಿ 3 ಸಿಕ್ಸರ್, 4ಬೌಂಡರಿ ಸಮೇತ 54ರನ್ಗಳಿಸಿದರು ಕೃನಾಲ್ ಪಾಂಡ್ಯಾ ತಾವು ಎದುರಿಸಿದ 13 ಎಸೆತಗಳಲ್ಲಿ 3 ಬೌಂಡರಿ ಸಮೇತ 21ರನ್ಗಳಿಕೆ ಮಾಡಿದರು.
ತಂಡ ಕೊನೆಯದಾಗಿ 20 ಓವರ್ಗಳಲ್ಲಿ 6 ವಿಕೆಟ್ನಷ್ಟಕ್ಕೆ 158ರನ್ಗಳಿಕೆ ಮಾಡಿದ್ದು, ಎದುರಾಳಿ ತಂಡದ ಗೆಲುವಿಗೆ 159ರನ್ಗಳ ಸ್ಪರ್ಧಾತ್ಮಕ ಟಾರ್ಗೆಟ್ ನೀಡಿದೆ.