ನಿರ್ಮಲಾ ಸೀತಾರಾಮನ್ ಧರಿಸಿರುವ ಸೀರೆ ಯಾವುದು ಗೊತ್ತಾ?

ಹೊಸದಿಗಂತ ಡಿಜಿಟಲ್ ಡೆಸ್ಕ್:

ಪ್ರತೀ ಬಾರಿ ಬಜೆಟ್‌ನಲ್ಲಿ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಧರಿಸಿರುವ ಸೀರೆ ಬಗ್ಗೆ ಸಾಕಷ್ಟು ಚರ್ಚೆಯಾಗುತ್ತದೆ. ಮುಂದಿನ ಬಾರಿ ಯಾವ ಸಂಪ್ರದಾಯದ, ಯಾವ ಕಥೆಯನ್ನು ಹೇಳುವ ಸೀರೆ ಉಡುತ್ತಾರೆ ಎನ್ನುವ ಕುತೂಹಲ ಸಹಜವಾಗಿ ಎಲ್ಲರಲ್ಲಿಯೂ ಮೂಡಿರುತ್ತದೆ.

ಕಳೆದ ಬಜೆಟ್‌ನಲ್ಲಿ ಕರ್ನಾಟಕದ ಇಳಕಲ್ ಸೀರೆಯನ್ನು ನಿರ್ಮಲಾ ಅವರು ಉಟ್ಟಿದ್ದರು. ಈ ಬಾರಿ ನೀಲಿ, ಕ್ರೀಮ್ ಶೇಡ್‌ನ ತುಸ್ಸಾರ್ ಸೀರೆಯನ್ನು ನಿರ್ಮಲಾ ಅವರು ಉಟ್ಟಿದ್ದಾರೆ. ಇದರಲ್ಲಿ ಎಲೆಗಳಿರುವ ಪ್ರಿಂಟ್ ಇದ್ದು ರೇಷ್ಮೆ ಸೀರೆಯಾಗಿದೆ.

ಪಶ್ಚಿಮ ಬಂಗಾಳ, ಬಿಹಾರ, ಜಾರ್ಖಂಡ್ ಹಾಗೂ ಒಡಿಶಾ ಪ್ರದೇಶಗಳಲ್ಲಿ ಈ ಸೀರೆಯನ್ನು ಕಾಣಬಹುದಾಗಿದೆ. ಬಿಹಾರದ ಭಾಗಲ್‌ಪುರವನ್ನು ಸಿಲ್ಕ್ ಸಿಟಿ ಆಫ್ ಇಂಡಿಯಾ ಎಂದು ಕರೆಯಲಾಗುತ್ತದೆ. ತುಸ್ಸಾರ್ ರೇಷ್ಮೆ ಸೀರೆ ಅಲ್ಲಿನ ವಿಶೇಷತೆಯಾಗಿದೆ.