ಚಿಕ್ಕವರಿಗೆ ಊಟ ತಿನ್ನಿಸೋದು ಪ್ರೀತಿಯ ಕೆಲಸ ಹೌದು, ಆದರೆ ಕೆಲವೊಮ್ಮೆ ತಾಳ್ಮೆ ಮೀರುತ್ತದೆ. ತಿನ್ನಲು ಇಷ್ಟ ಇಲ್ಲವಾದರೆ ಬಾಯೊಳಗೆ ತುರುಕಿ ಜಗಿಯುವಂತೆ ಮಾಡ್ತೇವೆ, ಟಿವಿ ತೋರಿಸಿ ತಿನ್ನಿಸುತ್ತೇವೆ. ಇದೆಲ್ಲದಕ್ಕಿಂತ ಅವರೇ ಊಟ ತಿನ್ನುವಂತೆ ಕಲಿಸಿಬಿಟ್ಟರೆ? ಈ ಅಭ್ಯಾಸ ಅವರು ಅನ್ನ ತಿನ್ನಲು ಆರಂಭಿಸಿದಾಗಿನಿಂದಲೇ ಮಾಡಿಬಿಡಿ, ಅವರೂ ತಿನ್ನಲಿ, ನೀವು ತಿನ್ನಿಸಿ..
ಮಕ್ಕಳೇ ಊಟ ಮಾಡುವಂತೆ ಮಾಡೋದು ಹೇಗೆ?
- ಪ್ರಾಕ್ಟೀಸ್ ಮಾಡಲು ಸಾಕಷ್ಟು ಸಮಯ ನೀಡಿ,ಒಂದು ದಿನ ಅಥವಾ ಒಂದು ತಿಂಗಳ ಕೆಲಸ ಅಲ್ಲ, ತಿಂಗಳಾನುಗಟ್ಟಲೆ ಅವರಿಗೆ ತಿನ್ನಲು ನೀಡಿ.
- ಅವರ ಜೊತೆ ನೀವು ಕುಳಿತುಕೊಂಡ ಊಟ ಮಾಡಿ, ನೀವು ತಿನ್ನುವುದನ್ನು ನೋಡಿ ಅವರೂ ಕಲಿತುಕೊಳ್ಳಲಿ.
ಸ್ಪೂನ್‌ಗಿಂತ ಕೈಯಲ್ಲಿ ತಿನ್ನುವ ಅಭ್ಯಾಸ ಮಾಡಿಸಿ - ಆಹಾರದ ಆಕಾರ, ರುಚಿ, ಬಣ್ಣ ಎಲ್ಲವನ್ನೂ ಅರಿತುಕೊಳ್ಳಲು ಸಮಯ ನೀಡಿ.
- ಪಾತ್ರೆಗಳನ್ನು ಕೈಗೆ ನೀಡಿ, ಸ್ಪೂನ್, ಫೋರ್ಕ್ ಬಳಕೆ ಮಾಡಲು ಹೇಳಿಕೊಡಿ.
- ಮಕ್ಕಳು ಅವರೇ ತಿನ್ನಲು ಕುಳಿತಾಗ ಮೊದಲು ಊಟ ಮೈಗೆ ಕೈಗೆ ಹಾಗೂ ಬಟ್ಟೆಗೆ ಮೆತ್ತಿಕೊಳ್ಳುತ್ತಾರೆ. ಇದಕ್ಕೆ ತಯಾರಾಗಿರಿ. ಅವರನ್ನು ತಡೆಯಬೇಡಿ.
- ಎಲ್ಲಕ್ಕಿಂತ ಮುಖ್ಯವಾಗಿ ತಾಳ್ಮೆ ಇರಲಿ. ಒಂದು ದಿನದಲ್ಲಿ ಏನೂ ಆಗದು.
- ಅವರು ಬೇಡ ಎಂದ ಆಹಾರವನ್ನು ತಿನ್ನಿಸಲು ಯತ್ನಿಸಬೇಡಿ, ಇದರಿಂದ ಊಟದ ಮೇಲೆ ಅವರಿಗೆ ಉತ್ಸಾಹ ಹೋಗುತ್ತದೆ.
