ಬಾಯಿ ತೆರೆದು ಉಸಿರಾಡುವ ಅಭ್ಯಾಸ ಅನೇಕರಿಗೆ ಇರುತ್ತದೆ. ಇನ್ನು ಕೆಲವರಿಗೆ ಯಾವ ತೊಂದರೆ ಇಲ್ಲದಿದ್ದರು ಈ ಅಭ್ಯಾಸ ಇರುತ್ತದೆ. ಆದರೆ ಇದು ಅಪಾಯವನ್ನು ಉಂಟು ಮಾಡುತ್ತದೆ.
ಮಲಗಿದ ನಂತರ ಮೂಗಿನಲ್ಲಿ ಉಸಿರು ಬಿಡುವ ಬದಲು, ಬಾಯಿಯಲ್ಲಿ ಉಸಿರಾಟ ಮಾಡುವ ಅಭ್ಯಾಸ ಅನೇಕ ಅಪಾಯಗಳನ್ನು ಉಂಟು ಮಾಡುತ್ತದೆ. ಮೂಗಿನ ಮೂಲಕ ಉಸಿರಾಡುವುದರಿಂದ ದೇಹಕ್ಕೆ ಅನೇಕ ಪ್ರಯೋಜನಗಳಿವೆ, ಆದರೆ ಬಾಯಿಯ ಮೂಲಕ ಉಸಿರಾಡುವುದರಿಂದ ಕೆಲವು ಆರೋಗ್ಯ ಸಮಸ್ಯೆಗಳು ಉಂಟಾಗಬಹುದು.
ವ್ಯಾಯಾಮ ಅಥವಾ ಮೂಗಿನ ಅಡೆತಡೆಗಳು ಉಂಟಾದಾಗ ಬಾಯಿಯಲ್ಲಿ ಉಸಿರಾಟ ಮಾಡುವುದು ಅಗತ್ಯ. ಆದರೆ ಇದು ದೀರ್ಘಾವಧಿಯಲ್ಲಿ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು.
ಇದು ಗಾಳಿಯು ಶೋಧಿಸಲ್ಪಡದೆ, ಮಾಲಿನ್ಯಕಾರಕಗಳು ಮತ್ತು ಅಲರ್ಜಿನ್‌ಗಳು ಶ್ವಾಸಕೋಶವನ್ನು ತಲುಪಲು ಕಾರಣವಾಗಬಹುದು.
ಬಾಯಿ ಒಣಗುವುದು, ಹಲ್ಲಿನ ಸಮಸ್ಯೆಗಳು, ಒಸಡು ಕಾಯಿಲೆ, ದುರ್ವಾಸನೆ ಮತ್ತು ನಿದ್ರೆಯಲ್ಲಿ ಉಸಿರುಕಟ್ಟುವಿಕೆ ಮುಂತಾದ ಸಮಸ್ಯೆಗಳಿಗೆ ಕಾರಣವಾಗಬಹುದು.
ಮಕ್ಕಳಲ್ಲಿ ಈ ಅಭ್ಯಾಸವಾದರೆ ಮುಖದ ಬೆಳವಣಿಗೆ, ದೋಷಪೂರಿತತೆ ಮತ್ತು ಏಕಾಗ್ರತೆಯ ಕೊರತೆಯಂತಹ ಸಮಸ್ಯೆಗಳು ಉಂಟಾಗಬಹುದು.
