ಹೊಸದಿಗಂತ ಡಿಜಿಟಲ್ ಡೆಸ್ಕ್
ಕಟಕ್ನಲ್ಲಿ ನಡೆಯುತ್ತಿರುವ 2ನೇ ಏಕದಿನ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದ ಇಂಗ್ಲೆಂಡ್ ತಂಡ 50 ಓವರ್ಗಳಲ್ಲಿ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡು 304 ರನ್ಗಳಿಸಿದೆ.
ಬೆನ್ ಡಕೆಟ್ (65), ಜೋ ರೂಟ್ (69),ಹ್ಯಾರಿ ಬ್ರೂಕ್ (31), ಜೋಸ್ ಬಟ್ಲರ್ 34 ರನ್ಗಳಿಸಿ ತಂಡದ 300ರ ಗಡಿ ದಾಟಲು ನೆರವಾದರು.
ಇಂಗ್ಲೆಂಡ್ ಪರ ಇನ್ನಿಂಗ್ಸ್ ಆರಂಭಿಸಿದ ಫಿಲ್ ಸಾಲ್ಟ್ ಹಾಗೂ ಬೆನ್ ಡಕೆಟ್ ಮೊದಲ ವಿಕೆಟ್ಗೆ 81 ರನ್ಗಳ ಜೊತೆಯಾಟ ನೀಡಿದರು. 26 ರನ್ಗಳಿಸಿದ್ದ ಸಾಲ್ಟ್ರನ್ನ ಇಂದೇ ಪದಾರ್ಪಣೆ ಮಾಡಿದ ವರುಣ್ ಚಕ್ರವರ್ತಿ ಪೆವಿಲಿಯನ್ಗಟ್ಟುವ ಮೂಲಕ ಬ್ರೇಕ್ ತಂದುಕೊಟ್ಟರು. ನಂತರ 56 ಎಸೆತಗಳಲ್ಲಿ 10 ಬೌಂಡರಿಗಳ ಸಹಿತ 56 ರನ್ಗಳಿಸಿದ್ದ ಡೆಕೆಟ್ ಜಡೇಜಾ ಬೌಲಿಂಗ್ನಲ್ಲಿ ಪಾಂಡ್ಯಗೆ ಕ್ಯಾಚ್ ನೀಡಿ ಔಟ್ ಆದರು.
3ನೇ ವಿಕೆಟ್ಗೆ ಜೊತೆಯಾದ ಮಾಜಿ ನಾಯಕ ರೂಟ್ ಹಾಗೂ ಬ್ರೂಕ್ 66 ರನ್ಗಳ ಜೊತೆಯಾಟ ನೀಡಿ ಚೇತರಿಕೆ ನೀಡಿದರು. ಆದರೆ ಬ್ರೂಕ್ 52 ಎಸೆತಗಳಲ್ಲಿ ಕೇವಲ 31 ರನ್ಗಳಿಸಿ ಹರ್ಷಿತ್ ರಾಣಾಗೆ ವಿಕೆಟ್ ನೀಡಿದರು. ನಂತರ ರೂಟ್ ನಾಯಕ ಬಟ್ಲರ್ ಜೊತೆಗೂಡಿ 51 ರನ್ ಸೇರಿಸಿದರು. ಬಟ್ಲರ್ 35 ಎಸೆತಗಳಲ್ಲಿ 34 ರನ್ ಸಿಡಿಸಿ ಹಾರ್ದಿಕ್ ಪಾಂಡ್ಯಗೆ ವಿಕೆಟ್ ನೀಡಿದರು.
ರೂಟ್ ಔಟಾಗುತ್ತಿದ್ದಂತೆ ಇಂಗ್ಲೆಂಡ್ ತಂಡದ ರನ್ಗತಿಗೂ ಕಡಿವಾಣ ಬಿದ್ದಿತು. ಆಲ್ರೌಂಡರ್ ಲಿಯಾಮ್ ಲಿವಿಂಗ್ಸ್ಟೋನ್ ಕೊನೆಯ ಓವರ್ವರೆಗೂ ಕ್ರೀಸ್ನಲ್ಲಿ ನೆಲೆಯೂರಿ 32 ಎಸೆತಗಳಲ್ಲಿ ತಲಾ 2 ಬೌಂಡರಿ, 2 ಸಿಕ್ಸರ್ಗಳ ನೆರವಿನಿಂದ 41 ರನ್ಗಳಿಸಿದರು. ರಶೀಶ್ 5 ಎಸೆತಗಳಲ್ಲಿ 14 ರನ್ಗಳಿಸಿ ತಂಡದ ಮೊತ್ತ 300ರ ಗಡಿ ದಾಟಲು ಕೊಡುಗೆ ನೀಡಿದರು. ಜೇಮಿ ಓವರ್ಟನ್ 6, ಆಟ್ಕಿನ್ಸನ್ 3, ಮಾರ್ಕ್ವುಡ್ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು.
ಭಾರತದ ಪರ ರವೀಂದ್ರ ಜಡೇಜಾ 10 ಓವರ್ಗಳಲ್ಲಿ 35 ರನ್ ನೀಡಿ 3 ವಿಕೆಟ್ ಪಡೆದರೆ, ಪದಾರ್ಪಣೆ ಬೌಲರ್ ಚಕ್ರವರ್ತಿ 54ಕ್ಕೆ1, ಹಾರ್ದಿಕ್ ಪಾಂಡ್ಯ 53ಕ್ಕೆ1, ಹರ್ಷಿತ್ ರಾಣಾ 62ಕ್ಕೆ1, ಮೊಹಮ್ಮದ್ ಶಮಿ 66ಕ್ಕೆ1 ವಿಕೆಟ್ ಪಡೆದು ಮಿಂಚಿದರು.
