ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಟ್ವಿಟರ್ ಮಾಲೀಕ ಎಲಾನ್ ಮಸ್ಕ್ ಬಳಕೆದಾರರಿಗೆ ಶಾಕ್ ಮೇಲೆ ಶಾಕ್ ನೀಡುತ್ತಿದ್ದಾರೆ. ಬಳಕೆದಾರರು ದಿನಕ್ಕೆ ಓದಬಹುದಾದ ಟ್ವೀಟ್‌ಗಳ ಸಂಖ್ಯೆಯನ್ನು ತಾತ್ಕಾಲಿಕವಾಗಿ ಮಿತಿಗೊಳಿಸುತ್ತಿದ್ದಾರೆ ಎಂದು ಮಸ್ಕ್ ಹೇಳಿದ್ದಾರೆ. ಈ ನಿರ್ಬಂಧಗಳು ಪರಿಶೀಲಿಸದ ಖಾತೆಗಳ ಬಳಕೆದಾರರಿಗೆ ಮಾತ್ರವಲ್ಲ, ಪರಿಶೀಲಿಸಿದ ಖಾತೆಗಳ ಬಳಕೆದಾರರಿಗೂ ಸಹ. ಪರಿಶೀಲಿಸಿದ ಖಾತೆ ಹೊಂದಿರುವ ಬಳಕೆದಾರರು ದಿನಕ್ಕೆ 6 ಸಾವಿರ ಪೋಸ್ಟ್‌ಗಳನ್ನು ಮಾತ್ರ ಓದಬಹುದು. ಪರಿಶೀಲಿಸದ ಬಳಕೆದಾರರಿಗೆ ದಿನಕ್ಕೆ 600 ಪೋಸ್ಟ್‌ಗಳನ್ನು ಓದುವ ಅವಕಾಶವನ್ನು ನೀಡಿದ್ದು, ಹೊಸ ಖಾತೆಗಳನ್ನು ತೆರೆದಿರುವ ಬಳಕೆದಾರರು ದಿನಕ್ಕೆ 300 ಟ್ವೀಟ್‌ಗಳನ್ನು ಮಾತ್ರ ಓದಲು ಅರ್ಹರಿದ್ದಾರೆ. ತೀವ್ರವಾದ ಡೇಟಾ ಸ್ಕ್ರ್ಯಾಪಿಂಗ್ ಮತ್ತು ಸಿಸ್ಟಮ್ ಮ್ಯಾನಿಪ್ಯುಲೇಷನ್ ಅನ್ನು ಪರಿಹರಿಸಲು ಈ ನಿರ್ಬಂಧಗಳನ್ನು ವಿಧಿಸಿದ್ದಾರೆ ಎಂದು ಮಸ್ಕ್ ವಿವರಿಸಿದರು.
ಕೆಲವು ಗಂಟೆಗಳ ನಂತರ ಮಸ್ಕ್ ಮತ್ತೊಂದು ಟ್ವೀಟ್ ಮಾಡಿ ಕೆಲವು ಬದಲಾವಣೆಗಳನ್ನು ಮಾಡಲಾಗುವುದು ಎಂದು ಹೇಳಿದ್ದಾರೆ. ಪರಿಶೀಲಿಸಿದ ಖಾತೆ ಹೊಂದಿರುವ ಬಳಕೆದಾರರ ಸಂಖ್ಯೆಯನ್ನು 8 ಸಾವಿರಕ್ಕೆ ಹೆಚ್ಚಿಸಲಾಗುವುದು, ಪರಿಶೀಲಿಸದ ಖಾತೆ ಹೊಂದಿರುವ ಬಳಕೆದಾರರು 800 ಪೋಸ್ಟ್‌ಗಳನ್ನು ಓದಲು ಸಾಧ್ಯವಾಗುತ್ತದೆ ಮತ್ತು ಹೊಸ ಬಳಕೆದಾರರು 400 ಪೋಸ್ಟ್‌ಗಳನ್ನು ಓದಲು ಸಾಧ್ಯವಾಗುತ್ತದೆ ಎಂದು ಮಸ್ಕ್ ಆ ಟ್ವೀಟ್‌ನಲ್ಲಿ ತಿಳಿಸಿದ್ದಾರೆ.
ಶನಿವಾರ ಸಂಜೆ, ಸಾಮಾಜಿಕ ಮಾಧ್ಯಮ ದೈತ್ಯ ಟ್ವಿಟರ್‌ನ ಸೇವೆಗಳು ಭಾರತ ಸೇರಿದಂತೆ ವಿಶ್ವದಾದ್ಯಂತ ಅನೇಕ ಸ್ಥಳಗಳಲ್ಲಿ ಕೆಲಸಕ್ಕೆ ಅಡ್ಡಿಯುಂಟುಮಾಡಿದವು. iOS ಮತ್ತು Android ಬಳಕೆದಾರರಿಗೆ ಟ್ವೀಟ್‌ಗಳನ್ನು ಓದಲು ಸಾಧ್ಯವಾಗಲಿಲ್ಲ. ಬಳಕೆದಾರರ ದೂರುಗಳ ಹಿನ್ನೆಲೆಯಲ್ಲಿ ಮಸ್ಕ್ ಪ್ರತಿಕ್ರಿಯಿಸಿದ್ದಾರೆ. ಆದಷ್ಟು ಬೇಗ ಅಪ್‌ಡೇಟ್ ಮಾಡುವುದಾಗಿ ಹೇಳಿದ್ದಾರೆ.
