ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ದೆಹಲಿ ಮದ್ಯ ಹಗರಣ ಪ್ರಕರಣದಲ್ಲಿ ಇಡಿ ಇಂದು (ಶನಿವಾರ) ಬಿಆರ್‌ಎಸ್ ಎಂಎಲ್‌ಸಿ ಕವಿತಾ ಅವರನ್ನು ವಿಚಾರಣೆ ನಡೆಸಲಿದೆ. ಕವಿತಾ ಬೆಳಗ್ಗೆ 11 ಗಂಟೆಗೆ ಇಡಿ ಕಚೇರಿಗೆ ತೆರಳಲಿದ್ದಾರೆ. ಪ್ರತಿಭಟನೆ ಸಾಧ್ಯತೆ ಹಿನ್ನೆಲೆಯಲ್ಲಿ ಇಡಿ ಕಚೇರಿ ಎದುರು ಬಿಗಿ ಭದ್ರತೆ ಏರ್ಪಡಿಸಲಾಗಿದೆ. ಇಡಿ ಕಚೇರಿಯಲ್ಲಿ ಮಾಧ್ಯಮಗಳಿಗೆ ಅನುಮತಿ ನಿರಾಕರಿಸಲಾಗಿದೆ.
ಮನೀಶ್ ಸಿಸೋಡಿಯಾ ಮತ್ತು ಅರುಣ್ ಪಿಳ್ಳೈ ಈಗಾಗಲೇ ಇಡಿ ಕಚೇರಿಯಲ್ಲಿದ್ದಾರೆ. 100 ಕೋಟಿ ಹಗರಣದಲ್ಲಿ ಕವಿತಾ ಪಾತ್ರವನ್ನು ಇಡಿ ಪ್ರಶ್ನಿಸಲಿದೆ. ಮನಿ ಲಾಂಡರಿಂಗ್ ಕಾಯ್ದೆಯ ಸೆಕ್ಷನ್ 50 ಮತ್ತು 54 ರ ಅಡಿಯಲ್ಲಿ ಮನೀಶ್ ಸಿಸೋಡಿಯಾ ಅವರ ಕಸ್ಟಡಿ ಅರ್ಜಿಯಲ್ಲಿ ಕವಿತಾ ಹೆಸರನ್ನು ಇಡಿ ಪ್ರಶ್ನಿಸಲಿದೆ.
ಇಡಿ ಮನೀಶ್ ಸಿಸೋಡಿಯಾ, ಅರುಣ್ ಪಿಳ್ಳೈ ಮತ್ತು ಕವಿತಾ ಅವರನ್ನು ಒಟ್ಟಿಗೆ ತನಿಖೆ ನಡೆಸುವ ಸಾಧ್ಯತೆ ಇದೆಯಂತೆ. ಇಡಿ ತನಿಖೆ ಹಿನ್ನೆಲೆಯಲ್ಲಿ ಕವಿತಾ ನಿನ್ನೆ (ಶುಕ್ರವಾರ) ಬಿಆರ್ ಎಸ್ ಕಾನೂನು ತಂಡವನ್ನು ಭೇಟಿ ಮಾಡಿದ್ದಾರೆ. ED ಪ್ರಶ್ನೆಗಳನ್ನು ಹೇಗೆ ಎದುರಿಸಬೇಕು ಎಂಬುದರ ಕುರಿತು ಅವರು ಕಾನೂನು ಅಭಿಪ್ರಾಯವನ್ನು ತೆಗೆದುಕೊಂಡರು. ಇಂದು (ಶನಿವಾರ) ಇಡಿ ಕಚೇರಿಗೆ ತೆರಳುವ ಮುನ್ನ ಕವಿತಾ ಮತ್ತೊಮ್ಮೆ ಕಾನೂನು ತಂಡವನ್ನು ಭೇಟಿಯಾಗಲಿದ್ದಾರೆ. ಇನ್ನೊಂದೆಡೆ ಸಚಿವರಾದ ಕೆಟಿಆರ್ ಹಾಗೂ ಹರೀಶ್ ರಾವ್ ಅವರು ಕವಿತಾ ಅವರನ್ನು ಬೆಂಬಲಿಸಲು ದೆಹಲಿಗೆ ತೆರಳಿದ್ದಾರೆ.
