ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಜರ್ಮನಿಯ ಪ್ರೀಮಿಯಂ ಕಾರು ತಯಾರಕ ಮರ್ಸಿಡಿಸ್-ಬೆಂಝ್’ಗೆ ಸ್ಥಳೀಯವಾಗಿ ಹೆಚ್ಚಿನ ಕಾರುಗಳನ್ನು ಉತ್ಪಾದಿಸುವಂತೆ ಕೇಂದ್ರ ಸಚಿವ ನಿತಿನ್ ಗಡ್ಕರಿ ಶುಕ್ರವಾರ ಹೇಳಿದ್ದಾರೆ.
ಈ ವೇಳೆ ಕೈಗೆಟುಕುವ ಸಾಮರ್ಥ್ಯವನ್ನ ಹೆಚ್ಚಿಸುವುದರ ಜೊತೆಗೆ ವೆಚ್ಚವನ್ನ ಕಡಿಮೆ ಮಾಡುತ್ತದೆ ಎಂದು ಒತ್ತಿ ಹೇಳಿದರು.
ಪುಣೆಯ ಚಕನ್ ಉತ್ಪಾದನಾ ಘಟಕದಿಂದ ಮರ್ಸಿಡಿಸ್-ಬೆಂಝ್ ಇಂಡಿಯಾದ ಮೊದಲ ಸ್ಥಳೀಯವಾಗಿ ಜೋಡಿಸಲಾದ ಇಕ್ಯೂಎಸ್ 580 4ಮ್ಯಾಟಿಕ್ ಇವಿ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ಗಡ್ಕರಿ, ದೇಶದಲ್ಲಿ ಎಲೆಕ್ಟ್ರಿಕ್ ವಾಹನಗಳಿಗೆ ದೊಡ್ಡ ಮಾರುಕಟ್ಟೆ ಇದೆ ಎಂದು ಹೇಳಿದರು.
ನೀವು ಉತ್ಪಾದನೆಯನ್ನ ಹೆಚ್ಚಿಸುತ್ತೀರಿ, ಆಗ ಮಾತ್ರ ವೆಚ್ಚವನ್ನ ಕಡಿಮೆ ಮಾಡಲು ಸಾಧ್ಯ. ನಾವು ಮಧ್ಯಮ ವರ್ಗದ ಜನರು, ನಾನು ಸಹ ನಿಮ್ಮ ಕಾರನ್ನು ಖರೀದಿಸಲು ಸಾಧ್ಯವಿಲ್ಲ’ ಎಂದು ಸಚಿವರು ಹೇಳಿದರು. ಜರ್ಮನ್ ಕಾರು ತಯಾರಕರ ಇತ್ತೀಚಿನ ಇವಿ 1.55 ಕೋಟಿ ರೂಪಾಯಿ ಆಗಿದೆ.
ಮರ್ಸಿಡಿಸ್-ಬೆಂಝ್ ಇಂಡಿಯಾ ತನ್ನ ಎಲೆಕ್ಟ್ರೋ-ಮೊಬಿಲಿಟಿ ಡ್ರೈವ್ ಅನ್ನು ಅಕ್ಟೋಬರ್ 2020ರಲ್ಲಿ 1.07 ಕೋಟಿ ರೂ.ಗಳ ಬೆಲೆಯ ಸಂಪೂರ್ಣ ಆಮದು ಘಟಕವಾಗಿ ತನ್ನ ಆಲ್-ಎಲೆಕ್ಟ್ರಿಕ್ ಎಸ್ಯುವಿ ಇಕ್ಯೂಸಿಯನ್ನು ಬಿಡುಗಡೆ ಮಾಡುವ ಮೂಲಕ ಭಾರತದಲ್ಲಿ ತನ್ನ ಎಲೆಕ್ಟ್ರೋ-ಮೊಬಿಲಿಟಿ ಡ್ರೈವ್ ಪ್ರಾರಂಭಿಸಿತು.
ನಿತಿನ್ ಗಡ್ಕರಿ ಅವರ ಪ್ರಕಾರ, ದೇಶದಲ್ಲಿ ಒಟ್ಟು 15.7 ಲಕ್ಷ ನೋಂದಾಯಿತ ಎಲೆಕ್ಟ್ರಿಕ್ ವಾಹನಗಳಿವೆ. ಒಟ್ಟಾರೆ ಇವಿ ಮಾರಾಟವು ಶೇಕಡಾ 335 ರಷ್ಟು ಏರಿಕೆಯೊಂದಿಗೆ ಬೃಹತ್ ಮಾರುಕಟ್ಟೆ ಇದೆ, ದೇಶದಲ್ಲಿ ಎಕ್ಸ್ಪ್ರೆಸ್ ಹೆದ್ದಾರಿಗಳು ಬರುತ್ತಿರುವುದರಿಂದ, ಮರ್ಸಿಡಿಸ್-ಬೆಂಜ್ ಇಂಡಿಯಾ ಈ ಕಾರುಗಳಿಗೆ ಉತ್ತಮ ಮಾರುಕಟ್ಟೆಯನ್ನು ಪಡೆಯುತ್ತದೆ ಎಂದು ಅವರು ಹೇಳಿದರು.