November 23, 2026
Monday, November 23, 2026
spot_img

Evening Snacks | ನೀವು ಮಾಡೋ ಈ ಪನೀರ್ ರೋಲ್ ಗೆ ಮಕ್ಕಳಂತೂ ಫಿದಾ ಆಗೋದು ಗ್ಯಾರಂಟಿ

ಸಂಜೆಯ ಸಮಯದಲ್ಲಿ ಬಿಸಿ ಬಿಸಿ, ಆರೋಗ್ಯಕರ ಮತ್ತು ಹೊಟ್ಟೆ ತುಂಬಿಸುವ ತಿಂಡಿ ಬೇಕೆಂದರೆ ಪನೀರ್ ರೋಲ್ ಉತ್ತಮ ಆಯ್ಕೆ. ಮೃದುವಾದ ಪನೀರ್, ತಾಜಾ ತರಕಾರಿಗಳು ಮತ್ತು ಮಸಾಲೆಗಳ ಸಮ್ಮಿಶ್ರಣದಿಂದ ತಯಾರಾಗುವ ಈ ರೋಲ್ ಮಕ್ಕಳಿಗೆ ಇಷ್ಟವಾಗದೇ ಇರೋದಿಲ್ಲ.

ಬೇಕಾಗುವ ಸಾಮಗ್ರಿಗಳು

ರೋಲ್‌ಗಾಗಿ
1 ಕಪ್ ಗೋಧಿ ಹಿಟ್ಟು ಅಥವಾ ಮೈದಾ
1 ಚಮಚ ಎಣ್ಣೆ
ಉಪ್ಪು – ರುಚಿಗೆ ತಕ್ಕಷ್ಟು
ಅಗತ್ಯವಿರುವಷ್ಟು ನೀರು

ಪನೀರ್ ಮಸಾಲೆಗೆ
200 ಗ್ರಾಂ ಪನೀರ್ (ಚೌಕಾಕಾರ ತುಂಡುಗಳು)
½ ಕಪ್ ಗಟ್ಟಿ ಮೊಸರು
1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್
1 ಚಮಚ ಖಾರದ ಪುಡಿ
½ ಚಮಚ ಜೀರಿಗೆ ಪುಡಿ
½ ಚಮಚ ಗರಂ ಮಸಾಲೆ
ಉಪ್ಪು – ರುಚಿಗೆ ತಕ್ಕಷ್ಟು

ಸಲಾಡ್‌ಗಾಗಿ
1 ಈರುಳ್ಳಿ (ಉದ್ದವಾಗಿ ಕತ್ತರಿಸಿದ್ದು)
½ ಕ್ಯಾಪ್ಸಿಕಂ (ಸಣ್ಣ ತುಂಡುಗಳು)
1 ಟೊಮೆಟೊ (ಸಣ್ಣ ತುಂಡುಗಳು)
ಹಸಿರು ಚಟ್ನಿ
ಟೊಮೆಟೊ ಕೆಚಪ್

ಮಾಡುವ ವಿಧಾನ

ಒಂದು ಪಾತ್ರೆಯಲ್ಲಿ ಮೊಸರು, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಖಾರದ ಪುಡಿ, ಜೀರಿಗೆ ಪುಡಿ, ಗರಂ ಮಸಾಲೆ ಮತ್ತು ಉಪ್ಪು ಸೇರಿಸಿ ಮಿಶ್ರಣ ತಯಾರಿಸಿ. ಇದಕ್ಕೆ ಪನೀರ್ ತುಂಡುಗಳನ್ನು ಹಾಕಿ 15 ನಿಮಿಷಗಳ ಕಾಲ ನೆನೆಸಿಡಿ.

ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಈರುಳ್ಳಿ ಮತ್ತು ಕ್ಯಾಪ್ಸಿಕಂ ಹುರಿಯಿರಿ. ಬಳಿಕ ಮ್ಯಾರಿನೇಟ್ ಮಾಡಿದ ಪನೀರ್ ಸೇರಿಸಿ 5-7 ನಿಮಿಷ ಬೇಯಿಸಿ.

ಹಿಟ್ಟನ್ನು ನಾದಿ ಚಪಾತಿ ಲಟ್ಟಿಸಿ ಎರಡೂ ಬದಿಯಲ್ಲಿ ಚೆನ್ನಾಗಿ ಬೇಯಿಸಿಕೊಳ್ಳಿ.

ಚಪಾತಿಗೆ ಹಸಿರು ಚಟ್ನಿ ಸವರಿ. ಮಧ್ಯದಲ್ಲಿ ಪನೀರ್ ಮಸಾಲೆ, ಈರುಳ್ಳಿ ಮತ್ತು ಟೊಮೆಟೊ ಸಲಾಡ್ ಹಾಕಿ. ಮೇಲೆ ಸ್ವಲ್ಪ ಕೆಚಪ್ ಹಾಕಿ ಬಿಗಿಯಾಗಿ ರೋಲ್ ಮಾಡಿ.

ಬಿಸಿ ಬಿಸಿಯಾದ ಪನೀರ್ ರೋಲ್ ಅನ್ನು ಟೊಮೆಟೊ ಸಾಸ್ ಅಥವಾ ಪುದೀನಾ ಚಟ್ನಿಯೊಂದಿಗೆ ಸವಿದರೆ ರುಚಿ ಇನ್ನಷ್ಟು ಹೆಚ್ಚುತ್ತದೆ.

Must Read