ಫ್ಯಾಷನ್ ಅನ್ನೋದು ತುಂಬಾನೇ ದೊಡ್ಡ ಫೀಲ್ಡ್. ಎಲ್ಲರಿಗೂ ತಾವು ಸುಂದರವಾಗಿ ಕಾಣಬೇಕು ಅನ್ನೋ ಆಸೆ ಇದ್ದಿದ್ದೇ. ಅದರಲ್ಲೂ ತಮ್ಮ ಫೇವರೆಟ್ ಹೀರೋಯಿನ್‌ಗಳ ಲುಕ್ ಕಾಪಿ ಮಾಡೋದು ಮಾಮೂಲಿ.. ನಿಮಗೆ ಈ ಫ್ಯಾಷನ್ ಟಿಪ್ಸ್ ಯಾರೂ ಹೇಳಿಕೊಡೋದಿಲ್ಲ, ನೀವು ತಿಳಿದಿರಲೇಬೇಕು..
ತೆಳ್ಳಗಿನ ಹುಡುಗಿ ಬಾಡಿ ಫಿಟ್ ಡ್ರೆಸ್ ಹಾಕಿದ್ದಾಳೆ ಆಕೆಗೆ ಅದು ಚೆನ್ನಾಗಿ ಕಾಣುತ್ತಿದೆ ಎಂದರೆ ನಿಮಗೂ ಅದು ಚೆನ್ನಾಗಿ ಕಾಣಬೇಕು ಎಂದೇನಿಲ್ಲ, ನಿಮ್ಮ ಬಾಡಿ ಟೈಪ್‌ಗೆ ತಕ್ಕ ಬಟ್ಟೆ ಧರಿಸಿ.
ನಿಮ್ಮ ಅಳತೆಗೆ ಹೊಂದಾಣಿಕೆಯಾಗದ ಬಟ್ಟೆ ಬಿಟ್ಟುಬಿಡಿ, ಟೈಟ್ ಆಗಿಯಾದರೂ ಇರಲಿ ಅಥವಾ ಲೂಸ್ ಆಗಿರಲಿ. ಈ ಬಟ್ಟೆಗಳು ಬೇಡವೇ ಬೇಡ.
ಯಾವುದಾದರೂ ಒಂದು ಭಾಗ ಮಾತ್ರ ಚರ್ಮ ಕಾಣುವಂತಿರಲಿ, ಡೀಪ್ ನೆಕ್ ಇದ್ದರೆ ಕಾಲು ಕಾಣಿಸುವುದು ಬೇಡ, ಕಾಲು ಕಾಣಿಸುವಂತಿದ್ದರೆ, ಕವರ್ ನೆಕ್ ಇರಲಿ.
ನಿಮ್ಮ ಚರ್ಮಕ್ಕೆ ಹೊಂದಾಣಿಕೆಯಾಗುವ ಬಣ್ಣದ ಬಟ್ಟೆ ಧರಿಸಿ, ಎಲ್ಲ ಬಣ್ಣದ ಬಟ್ಟೆಗಳೂ ಇರಲಿ, ಆದರೆ ನಿಮಗೆ ಯಾವುದು ಚೆನ್ನಾಗಿ ಕಾಣುತ್ತದೆ, ಗ್ಲೋ ಎದ್ದು ಕಾಣುವಂತೆ ಮಾಡುತ್ತದೆ ನೆನಪಿರಲಿ.
ಅತಿಯಾಗಿ ಒಡವೆಗಳನ್ನು ಧರಿಸಬೇಡಿ, ಯಾವುದಾದರೂ ಒಂದು ಜಿವೆಲ್ಸ್ ಧರಿಸಿದರೆ ಸಾಕು, ಎಲ್ಲವನ್ನೂ ಧರಿಸುವ ಅವಶ್ಯಕತೆ ಇಲ್ಲ.
ಕಡಿಮೆ ದರಕ್ಕೆ ಸಿಕ್ಕಿದೆ ಎಂದು ಅನ್‌ಕಂಫರ್ಟಬಲ್ ಆಗುವ ಬಟ್ಟೆ ಧರಿಸಬೇಡಿ, ಒಳ್ಳೆ ಗುಣಮಟ್ಟದ ಬಟ್ಟೆ ಧರಿಸಿ ಹಾಗೇ ಅದನ್ನು ತೊಳೆದು ಎತ್ತಿಡಿ.
ಒಂದೇ ಬಟ್ಟೆ ಕೊಳ್ಳುವ ಬದಲು ಎರಡು ಸಪರೇಟ್ ಬಟ್ಟೆ ಖರೀದಿಸಿ, ಯಾವುದನ್ನು ಯಾವುದಕ್ಕೆ ಬೇಕಾದರೂ ಬಳಸಬಹುದು.
ಒಂದೇ ಬಟ್ಟೆಯನ್ನು ಪದೇ ಪದೆ ಹಾಕಲು ಹಿಂಜರಿಕೆ ಬೇಡ, ದುಡ್ಡು ಕೊಟ್ಟು ಬಟ್ಟೆ ಖರೀದಿಸಿರುತ್ತೀರಿ, ಹಾಕಿದರೆ ತಪ್ಪೇನಿಲ್ಲ.
ವಾತಾವರಣ ಹಾಗೂ ಸನ್ನಿವೇಶ ನೋಡಿಕೊಂಡು ಬಟ್ಟೆ ಆರಿಸಿ
ಬರೀ ಬಟ್ಟೆ ಅಥವಾ ಫ್ಯಾಷನ್‌ನಿಂದ ಏನೂ ಆಗದು, ಮೊದಲು ನಿಮ್ಮ ಪರ್ಸನಾಲಿಟಿಯಲ್ಲಿ ಆತ್ಮವಿಶ್ವಾಸ ಕಂಡುಕೊಳ್ಳಿ
