ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದಕ್ಷಿಣ ಭಾರತ ಚಿತ್ರರಂಗದವರ ಸಮಾಗಮ ಸೈಮಾ ಅವಾರ್ಡ್ಸ್ 2022 ಈ ಬಾರಿ ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರ ನೆನಪಿನೊಂದಿಗೆ ಸೆಪ್ಟೆಂಬರ್ 10, 11ರಂದು ಬೆಂಗಳೂರಿನ ಅರಮನೆ ಆವರಣದಲ್ಲಿ ಅದ್ಧೂರಿಯಾಗಿ ನಡೆಯಿತು.
ಈ ಸಮಾರಂಭದಲ್ಲಿದ್ದ ಹಿರಿಯ ನಟ ಕಮಲ್ ಹಾಸನ್ ಬಳಿ ನಟಿ ಮಾಲಾಶ್ರೀ ತೆರಳಿ ಬಹಳ ಸಂತೋಷದಿಂದ ಮಾತನಾಡಿದ್ದಾರೆ. ಉಭಯ ಕಲಾವಿದರು ಕುಶಲೋಪರಿ ವಿಚಾರಿಸಿಕೊಂಡಿದ್ದಾರೆ.
ಈ ಬಗ್ಗೆ ನಟಿ ಮಾಲಾಶ್ರೀ ಟ್ವಿಟರ್ನಲ್ಲಿ ಫೋಟೋ ಶೇರ್ ಮಾಡಿಕೊಳ್ಳುವ ಮೂಲಕ ಸಂತಸ ವ್ಯಕ್ತಪಡಿಸಿದ್ದಾರೆ.
Such an honour to meet the icon @ikamalhaasan sir🤩. Felt so special when he remembered me as Kanna from Neela Malargal🥹💃, so grateful and proud that I had worked with him as a child✨🥰🤗💛💛 pic.twitter.com/ur6D7qRheS
— Malashree Ramu (@RamuMalashree) September 12, 2022
ಐಕಾನ್ ಕಮಲ್ ಹಾಸನ್ ಅವರನ್ನು ಭೇಟಿ ಮಾಡಿದ್ದು ಬಹಳ ಸಂತೋಷಕರ ವಿಷಯ. ನೀಲ ಮಲರ್ಗಲ್ ಸಿನಿಮಾದಲ್ಲಿ ನಿರ್ವಹಿಸಿದ್ದ ಕನ್ನ ಪಾತ್ರ ನೆನಪಿಸಿಕೊಂಡಾಗ ತುಂಬಾ ವಿಶೇಷ ಅನಿಸಿತು. ಬಾಲ್ಯದಲ್ಲಿ ನಾನು ಅವರೊಂದಿಗೆ ಕೆಲಸ ಮಾಡಿದ್ದು, ತುಂಬಾ ಹೆಮ್ಮೆಯ ವಿಷಯ ಎಂದು ನಟಿ ಮಾಲಾಶ್ರೀ ಟ್ವೀಟ್ ಮಾಡಿದ್ದಾರೆ.
1979ರಲ್ಲಿ ತರೆಕಂಡ ಕಮಲ್ ಹಾಸನ್ ಅಭಿನಯದ Neela Malargal ಸಿನಿಮಾದಲ್ಲಿ ಮಾಲಾಶ್ರೀ ಕನ್ನನ್ (ಬಾಲಕಿ ಪಾತ್ರ) ಪಾತ್ರ ನಿರ್ವಹಿಸಿದ್ದರು.
