ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕಳೆದ ಎರಡು ವರ್ಷಗಳಿಂದ ಕ್ಯಾನ್ಸರ್‌ಗೆ ತುತ್ತಾಗಿದ್ದ ಮಾಜಿ ಮಿಸ್ ಇಂಡಿಯಾ ರಿಂಕಿ ಚಕ್ಮಾ (28) ಇಂದು ಕೊನೆಯುಸಿರೆಳೆದಿದ್ದಾರೆ.
ಶಸ್ತ್ರಚಿಕಿತ್ಸೆ ನಂತರವು ರಿಂಕಿಗೆ ಕ್ಯಾನ್ಸರ್ ಬಾಧಿಸಿತ್ತು. ರಿಂಕಿ ಕ್ಯಾನ್ಸರ್‌ನಿಂದ ಹೊರಬರುವ ಪಣ ತೊಟ್ಟಿದ್ದರು. ವೈದ್ಯರು ಹೇಳುವ ಪ್ರತಿಯೊಂದು ವಿಧಾನವನ್ನು ಅಚ್ಚುಕಟ್ಟಾಗಿ ಮಾಡಿ, ಎಲ್ಲರಂತೆ ಸಹಜ ಜೀವನ ಬಯಸಿದ್ದರು. ಆದರೆ ರಿಂಕಿ ಸ್ತನ ಕ್ಯಾನ್ಸರ್‌ನಿಂದ ಬಳಲುತ್ತಿದ್ದು, ಇದು ವಾಸಿಯಾಗುವುದಿಲ್ಲ ಎಂದು ತಿಳಿದ ಮೇಲೆ ತಮ್ಮ ಕ್ಯಾನ್ಸರ್ ವಿಷಯ ಬಹಿರಂಗಪಡಿಸಿದ್ದರು.
ರಿಂಕಿ ಕುಟುಂಬ ಹಾಗೂ ಸ್ನೇಹಿತರಲ್ಲಿ ದುಃಖ ಭರಿಸುವ ಶಕ್ತಿಯನ್ನು ಭಗವಂತ ನೀಡಲು ಎಂದು ಅಭಿಮಾನಿಗಳು ಪ್ರಾರ್ಥಿಸಿದ್ದಾರೆ.
