ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಉಕ್ರೇನ್ ರಷ್ಯಾ ನಡುವಿನ ಯುದ್ಧ ಕದನದಿಂದಾಗಿ ಉಕ್ರೇನ್ ನಲ್ಲಿ ಸಿಲುಕಿರುವ ಭಾರತೀಯರ ಸ್ಥಳಾಂತರಿಸುವ ಕಾರ್ಯ ಭರದಿಂದ ನಡೆಯುತ್ತಿದ್ದು, ಇಂದು ಏರ್ ಇಂಡಿಯಾದ 6ನೇ ವಿಮಾನವು ಉಕ್ರೇನ್ ನಿಂದ 7 ಕನ್ನಡಿಗರು ಸಹಿತ 240 ಭಾರತೀಯರನ್ನು ಹೊತ್ತು ಸ್ವದೇಶಕ್ಕೆ ಆಗಮಿಸಿದೆ.
ಈಗಾಗಲೇ ಐದು ವಿಮಾನಗಳಲ್ಲಿ ಭಾರತೀಯರನ್ನು ಉಕ್ರೇನ್ ನಿಂದ ವಾಪಾಸ್ ಸ್ವದೇಶಕ್ಕೆ ಕರೆತರಲಾಗಿತ್ತು. ಇದೀಗ ೬ನೇ ವಿಮಾನವು ಭಾರತಕ್ಕೆ ಬಂದಿಳಿದಿದೆ.
ಇದುವರೆಗೆ 1,406 ಭಾರತೀಯರನ್ನು ಉಕ್ರೇನ್ ನಿಂದ ವಾಪಾಸ್ ಕರೆತರಲಾಗಿದೆ. ಇವರಲ್ಲಿ 44 ಕನ್ನಡಿಗರು ಸೇರಿದ್ದಾರೆ.