ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಹೆಚ್ಚಿನ ಜನರು ಗೋಬಿ ಮಂಚೂರಿಯನ್ ತಿನಿಸುಗಳನ್ನು ಇಷ್ಟಪಡುತ್ತಾರೆ. ಆದ್ದರಿಂದ, ನೀವು ಭಾರತದ ಯಾವುದೇ ನಗರಕ್ಕೆ ಪ್ರಯಾಣಿಸುತ್ತಿದ್ದರೂ ಸಹ ಗೋಬಿ ಮಂಚೂರಿಗೆ ಬಾರಿ ಬೇಡಿಕೆಯಿದೆ. ಗೋಬಿ ಮಂಚೂರಿಯನ್ ಮಕ್ಕಳಿಂದ ಆರಂಭಿಸಿ ಎಲ್ಲರ ಮೆಚ್ಚಿನ ಖಾದ್ಯ. ಆದರೆ ಭಾರತದ ಜನಪ್ರಿಯ ಪ್ರವಾಸಿ ತಾಣವಾದ ಗೋವಾದಲ್ಲಿ ಗೋಬಿ ಮಂಚೂರಿಯನ್ ಮಾರಾಟವನ್ನು ನಿಷೇಧಿಸಿದೆ.
ಗೋವಾದ ಮಪುಸಾದಲ್ಲಿ ಗೋಬಿ ಮಂಚೂರಿಯಾ ಮಾರಾಟ ಮಾಡಲು ಯಾರಿಗೂ ಅವಕಾಶವಿಲ್ಲ. ಗೋವಾದ ಮಪುಸಾ ಮುನ್ಸಿಪಲ್ ಕಾರ್ಪೊರೇಷನ್ ಈ ಕಠಿಣ ನಿರ್ಧಾರ ಕೈಗೊಂಡಿದೆ. ಗೋವಾದ ಮಪುಸಾ ಪುರಸಭೆಯ ಪ್ರದೇಶದಲ್ಲಿ ಯಾವುದೇ ಕಾರಣಕ್ಕೂ ಗೋಬಿ ಮಂಚೂರಿಯನ್ ಅನ್ನು ಮಾರಾಟ ಮಾಡುವಂತಿಲ್ಲ. ನಿಯಮ ಉಲ್ಲಂಘಿಸಿ ಗೋಬಿ ಮಂಚೂರಿಯಾ ಮಾರಾಟ ಮಾಡಿದರೆ ಟ್ರೇಡಿಂಗ್ ಲೈಸನ್ಸ್ ರದ್ದುಪಡಿಸಿ ಭಾರಿ ದಂಡ ವಿಧಿಸಲಾಗುವುದು.
ರುಚಿ, ಕೃತಕ ಬಣ್ಣಗಳು, ಗೋಬಿ ತಯಾರಿಕೆಯಲ್ಲಿ ಬಳಸುವ ಅಗ್ಗದ ಸಾಸ್ಗಳು, ಆರೋಗ್ಯದ ಪರಿಣಾಮಗಳು, ಶುಚಿತ್ವ ಮತ್ತು ನೈರ್ಮಲ್ಯದ ಬಗ್ಗೆ ಹಲವಾರು ದೂರುಗಳು ದಾಖಲಾಗಿವೆ. ಈ ಪ್ರಕರಣದಲ್ಲಿ ಆಹಾರ ಇಲಾಖೆ ಕ್ರಮ ಕೈಗೊಂಡು ನೋಟಿಸ್ ಜಾರಿ ಮಾಡಿದೆ. ಆದರೆ ಈ ಘೋಷಣೆಗೆ ಯಾರೂ ಗಮನ ಹರಿಸಿಲ್ಲ
ಮಾಪುಸಾ, ಗೋವಾದ ಪ್ರವಾಸಿಗರಿಂದ ತುಂಬಿರುವ ನಗರ. ಇತ್ತೀಚಿನ ವರ್ಷಗಳಲ್ಲಿ, ಮಾಪುಸಾ ಆಹಾರ ಪ್ರಾಧಿಕಾರವು ತ್ವರಿತ ಆಹಾರ ಮಳಿಗೆಗಳು ಮತ್ತು ಆಹಾರ ಮಳಿಗೆಗಳಿಗೆ ಸೂಚನೆಗಳನ್ನು ನೀಡಿದೆ. ಯಾರೂ ಎಚ್ಚೆತ್ತುಕೊಳ್ಳದ ಹಿನ್ನೆಲೆ ಇದೀಗ ಗೋಬಿ ಮಂಚೂರಿಯನ್ ನಿಷೇಧಿಸಿದೆ