ಇಂದು ಎದುರಾದ ಸೋಲುಗಳು, ಮನಸ್ಸನ್ನು ಚುಚ್ಚಿದ ಮಾತುಗಳು ಹಾಗೂ ಕಾಡಿದ ಬೇಸರಗಳೆಲ್ಲವನ್ನೂ ಹೊಸ್ತಿಲ ಆಚೆಯೇ ಬಿಟ್ಟುಬಿಡಿ. ಕತ್ತಲೆಯು ಹಗಲಿನ ಆಯಾಸವನ್ನು ಮರೆಸಲೆಂದೇ ಬರುತ್ತದೆ. ಕಣ್ಣು ಮುಚ್ಚಿ ನಿದ್ದೆಗೆ ಜಾರುವ ಮುನ್ನ, ಇಂದಿನ ಎಲ್ಲಾ ಕಹಿ ಘಟನೆಗಳನ್ನು ಬದಿಗಿಟ್ಟು ಮನಸ್ಸನ್ನು ಹಗುರಗೊಳಿಸಿಕೊಳ್ಳಿ. ನೆಮ್ಮದಿಯ ನಿದ್ದೆಯು ನಿಮ್ಮನ್ನು ನಾಳೆಯ ಹೊಸ ಸವಾಲುಗಳಿಗೆ ಸಿದ್ಧಪಡಿಸಲಿ.
ಪ್ರತಿ ರಾತ್ರಿಯೂ ಒಂದು ಅಧ್ಯಾಯದ ಅಂತ್ಯವಿದ್ದಂತೆ. ಇವತ್ತು ಏನೇ ಕೆಟ್ಟದ್ದಾಗಿದ್ದರೂ ಅದು ಈಗ ಇತಿಹಾಸ. ಆ ಕೆಟ್ಟ ನೆನಪುಗಳನ್ನು ಮೆಲುಕು ಹಾಕುತ್ತಾ ನಿಮ್ಮ ಅಮೂಲ್ಯವಾದ ನಿದ್ದೆಯನ್ನು ಹಾಳು ಮಾಡಿಕೊಳ್ಳಬೇಡಿ. ಎಲ್ಲವನ್ನೂ ಮರೆತು ನಿರಾಳವಾಗಿ ನಿದ್ದೆ ಮಾಡಿ. ಏಕೆಂದರೆ ಬೆಳಗಿನ ಸೂರ್ಯ ಹೊಸ ಭರವಸೆಗಳೊಂದಿಗೆ ಮೂಡಿಬರುತ್ತಾನೆ.
ಮನಸ್ಸಿಗೆ ಕಷ್ಟವಾಗಿರುವುದು ನಿಜ, ಆದರೆ ಆ ನೋವಿನಲ್ಲೇ ಉಳಿಯುವುದು ಬೇಡ. ಇವತ್ತಿನ ದಿನ ನಿಮಗಿಷ್ಟವಾದಂತೆ ಇರದೇ ಇರಬಹುದು, ಆದರೆ ನಾಳೆ ನಿಮ್ಮದಾಗಲಿದೆ. ಈ ಕ್ಷಣಕ್ಕೆ ನಿಮ್ಮ ಮನಸ್ಸಿಗೆ ಬೇಕಿರುವುದು ವಿಶ್ರಾಂತಿ ಮಾತ್ರ. ಎಲ್ಲಾ ಚಿಂತೆಗಳನ್ನು ದೇವರಿಗೆ ಅಥವಾ ಕಾಲಕ್ಕೆ ಒಪ್ಪಿಸಿ ಹಾಯಾಗಿ ನಿದ್ದೆ ಮಾಡಿ.
ಇಂದಿನ ಬ್ಯಾಡ್ ಡೇ ಮುಗಿಯಿತು! ಅದನ್ನು ಅಲ್ಲಿಗೆ ಬಿಟ್ಟುಬಿಡಿ. ಅತಿಯಾದ ಆಲೋಚನೆ ನಿಮ್ಮ ನೆಮ್ಮದಿಯನ್ನು ಕಬಳಿಸದಂತೆ ನೋಡಿಕೊಳ್ಳಿ. ಲೈಟ್ ಸ್ವಿಚ್ ಆಫ್ ಮಾಡಿ, ಕಣ್ಣು ಮುಚ್ಚಿ, ಸುಂದರ ಕನಸುಗಳ ಲೋಕಕ್ಕೆ ಜಾರಿ. ನಾಳೆ ಹೊಸ ಹುರುಪಿನೊಂದಿಗೆ ಎದ್ದೇಳೋಣ!
