ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಇಂದು ಎರಡು ದಿನಗಳ ಭೇಟಿಗಾಗಿ ಗುಜರಾತ್‌ಗೆ ಆಗಮಿಸಿದರು. ಈ ಭೇಟಿಯ ಪ್ರಮುಖ ಉದ್ದೇಶವೆಂದರೆ ಅಕ್ಟೋಬರ್ 31 ರಂದು ಏಕತಾ ನಗರದಲ್ಲಿ ನಡೆಯಲಿರುವ ಸರ್ದಾರ್ ವಲ್ಲಭಭಾಯಿ ಪಟೇಲ್ ಅವರ 150ನೇ ಜನ್ಮದಿನದ ಅಂಗವಾಗಿ ರಾಷ್ಟ್ರೀಯ ಏಕತಾ ದಿವಸ್ ಆಚರಣೆಗೆ ಚಾಲನೆ ನೀಡುವುದು.
ಏಕತಾ ನಗರಕ್ಕೆ ತಲುಪಿದ ಪ್ರಧಾನಿ ಮೋದಿ ಅವರು ಪ್ರವಾಸಿಗರ ಅನುಕೂಲಕ್ಕಾಗಿ ಮಹತ್ವದ ಕೊಡುಗೆ ನೀಡಿದರು. ಅವರು ಹೊಸದಾಗಿ 25 ಇ-ಬಸ್‌ಗಳಿಗೆ (ಎಲೆಕ್ಟ್ರಿಕ್ ಬಸ್‌ಗಳು) ಚಾಲನೆ ನೀಡಿದರು.
ಈ ಹೊಸ ಬಸ್‌ಗಳ ಸೇರ್ಪಡೆಯೊಂದಿಗೆ, ಏಕತಾ ನಗರದಲ್ಲಿ ಪ್ರವಾಸಿಗರಿಗೆ ಸೇವೆ ಸಲ್ಲಿಸುವ ಒಟ್ಟು ಇ-ಬಸ್‌ಗಳ ಸಂಖ್ಯೆ 55ಕ್ಕೆ ಏರಿದೆ.
ಪರಿಸರ ಸ್ನೇಹಿ ಈ ಎಲ್ಲಾ 55 ಇ-ಬಸ್‌ಗಳು ಪ್ರವಾಸಿಗರಿಗೆ ಸಂಪೂರ್ಣ ಉಚಿತ ಪ್ರಯಾಣ ಸೇವೆಗಳನ್ನು ಒದಗಿಸಲಿವೆ.
