ಜೈಲುಗಳಲ್ಲಿ ಲಿಂಗಪರಿವರ್ತಿತ ವ್ಯಕ್ತಿಗಳ ಚಿಕಿತ್ಸೆ ಮತ್ತು ಆರೈಕೆಗೆ ಕೇಂದ್ರದಿಂದ ಮಾರ್ಗಸೂಚಿ

ಹೊಸದಿಗಂತ ಡಿಜಿಟಲ್ ಡೆಸ್ಕ್

ಹೊಸದಿಗಂತ: ಜೈಲುಗಳಲ್ಲಿ ತೃತೀಯ ಲಿಂಗಿಗಳ ಸುರಕ್ಷತೆ ಮತ್ತು ಆರೋಗ್ಯವನ್ನು ಕಾಪಾಡುವ ದೃಷ್ಟಿಯಿಂದ, ಗೃಹ ಸಚಿವಾಲಯವು ಮಹಿಳಾ ಸುರಕ್ಷತಾ ವಿಭಾಗದ ಪರವಾಗಿ ಸಲಹೆಗಳನ್ನು ಬಿಡುಗಡೆ ಮಾಡಿದೆ.

‘ಜೈಲುಗಳಲ್ಲಿ ಲಿಂಗಪರಿವರ್ತಿತ ವ್ಯಕ್ತಿಗಳ ಚಿಕಿತ್ಸೆ ಮತ್ತು ಆರೈಕೆ’ ಎಂಬ ಶೀರ್ಷಿಕೆಯಡಿಯಲ್ಲಿ, ಜೈಲಿನಲ್ಲಿರುವ ಟ್ರಾನ್ಸ್‌ಜೆಂಡರ್‌ಗಳಿಗೆ ಗುರುತಿನ ಹಕ್ಕು, ಆರೋಗ್ಯ ರಕ್ಷಣೆ ಮತ್ತು ಸುರಕ್ಷತೆ ಹಾಗೂ ವಿಶೇಷ ಮೂಲಸೌಕರ್ಯಗಳನ್ನು ಖಚಿತಪಡಿಸಿಕೊಳ್ಳಲು ಎಲ್ಲ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಂದ ಸಲಹೆ ಕೇಳುತ್ತದೆ. ಇದು 2019ರಲ್ಲಿ ಭಾರತ ಸರಕಾರವು ಜಾರಿಗೆ ತಂದ ‘ಟ್ರಾನ್ಸ್‌ಜೆಂಡರ್ ವ್ಯಕ್ತಿಗಳ (ಹಕ್ಕುಗಳ ರಕ್ಷಣೆ) ಕಾಯ್ದೆ’ಗೆ ಅನುಗುಣವಾಗಿದೆ.

ಟ್ರಾನ್ಸ್‌ಜೆಂಡರ್‌ಗಳಿಗೆ ಘನತೆ ಮತ್ತು ಗೌರವವನ್ನು ಖಾತ್ರಿಪಡಿಸುವ ಮತ್ತು ಯಾವುದೇ ರೀತಿಯ ತಾರತಮ್ಯದ ವಿರುದ್ಧ ಅವರನ್ನು ರಕ್ಷಿಸುವ ದೃಷ್ಟಿಯಿಂದ, ಟ್ರಾನ್ಸ್‌ಮೆನ್ ಮತ್ತು ಟ್ರಾನ್ಸ್‌ವುಮೆನ್‌ಗಳೊಂದಿಗೆ ವ್ಯವಹರಿಸಲು ಕಾರ್ಯವಿಧಾನಗಳನ್ನು ಇದು ನಿರ್ದಿಷ್ಟಪಡಿಸುತ್ತದೆ. ಅನುಬಂಧದ ಪ್ರಕಾರ, 2019ರಲ್ಲಿ ಅಂಗೀಕರಿಸಲ್ಪಟ್ಟ ಕಾಯ್ದೆಯಡಿಯಲ್ಲಿ ಗುರುತಿಸಲ್ಪಡುವ ತಮ್ಮ ಸ್ವಂತ ಗುರುತನ್ನು ನಿರ್ಧರಿಸುವ ಹಕ್ಕನ್ನು ಟ್ರಾನ್ಸ್‌ಜೆಂಡರ್ ಹೊಂದಿರುತ್ತಾರೆ.

ಅವರ ಲಿಂಗ ಗುರುತಿಸುವಿಕೆ ಕೈಗೊಂಡಾಗ, ಅದಕ್ಕೆ ಸೂಕ್ತವಾದ ವಸತಿ ವ್ಯವಸ್ಥೆಗಳನ್ನು ಕಾರಾಗೃಹಗಳಲ್ಲಿ ಮಾಡಲಾಗುವುದು. ಟ್ರಾನ್ಸ್‌ಮೆನ್ ಮತ್ತು ಟ್ರಾನ್ಸ್‌ವುಮೆನ್‌ಗಳಿಗೆ ಪ್ರತ್ಯೇಕ ವಾರ್ಡ್‌ಗಳನ್ನು ನಿರ್ವಹಿಸಲು ಸಲಹೆ ಸೂಚಿಸುತ್ತದೆ. ಆ ವಾರ್ಡ್‌ಗಳು ಪುರುಷ ಮತ್ತು ಸೀ ವಾರ್ಡ್‌ಗಳಿಂದ ಪ್ರತ್ಯೇಕವಾಗಿರುತ್ತದೆ. ಆದರೆ ಈ ವ್ಯವಸ್ಥೆ ಮಾಡುವಾಗ, ಜೈಲು ಅಧಿಕಾರಿಗಳು ತಮ್ಮ ಇತರ ಕೈದಿಗಳ ನಡುವೆ ಟ್ರಾನ್ಸ್‌ಜೆಂಡರ್‌ಗಳ ಸಂಪೂರ್ಣ ಪ್ರತ್ಯೇಕತೆಗೆ ಕಾರಣವಾಗದಂತೆ ನೋಡಿಕೊಳ್ಳಬೇಕು. ಖಾಸಗಿತನ ಮತ್ತು ಘನತೆಯ ಹಕ್ಕನ್ನು ಗೌರವಿಸಲು, ಎಂಎಚ್‌ಎ ಮಾರ್ಗಸೂಚಿಗಳ ಪ್ರಕಾರ ಟ್ರಾನ್ಸ್‌ಮೆನ್ ಮತ್ತು ಟ್ರಾನ್ಸ್‌ವುಮೆನ್‌ಗಳಿಗೆ ಪ್ರತ್ಯೇಕ ಶೌಚಾಲಯಗಳು ಮತ್ತು ಶವರ್ ಸೌಲಭ್ಯಗಳನ್ನು ಒದಗಿಸಬೇಕು.

ಇದಲ್ಲದೆ, ಕಾರಾಗೃಹ ಇಲಾಖೆಯು ವೈದ್ಯಕೀಯ ಪರೀಕ್ಷೆಗಳು, ಹುಡುಕಾಟ, ವಸತಿ ಮತ್ತು ಬಟ್ಟೆ ಮತ್ತು ದೈನಂದಿನ ಚಟುವಟಿಕೆಗಳ ಸಮಯದಲ್ಲಿ ಟ್ರಾನ್ಸ್‌ಜೆಂಡರ್‌ಗಳ ಸ್ವಯಂ ಗುರುತನ್ನು ಗೌರವಿಸುತ್ತದೆ ಎಂದು ಖಚಿತಪಡಿಸಿಕೊಳ್ಳಬೇಕು. ಎಲ್ಲಾ ಜೈಲು ದಾಖಲಾತಿ ರಿಜಿಸ್ಟರ್‌ಗಳನ್ನು ಪುರುಷ ಮತ್ತು ಸ್ತ್ರೀ ಲಿಂಗಗಳಲ್ಲದೆ ಟ್ರಾನ್ಸ್‌ಜೆಂಡರ್ ವರ್ಗವನ್ನು ಸೇರಿಸಲು ಸೂಕ್ತವಾಗಿ ಪರಿಷ್ಕರಿಸಬೇಕು ಎಂದು ಗೃಹ ಸಚಿವಾಲಯ ನಿರ್ದೇಶನ ನೀಡಿದೆ.

ಆರೋಗ್ಯ ಸೇವೆಗಳು, ಕುಟುಂಬ ಸದಸ್ಯರ ಭೇಟಿ, ಜಾಮೀನುಗಳಿಗೆ ಅರ್ಜಿ ಸಲ್ಲಿಸುವ ನಿಬಂಧನೆಗಳು ಇತ್ಯಾದಿ ಸೇರಿದಂತೆ ಇತರ ಕೈದಿಗಳಿಗೆ ನೀಡಲಾದ ಸೌಲಭ್ಯಗಳು ಮತ್ತು ಹಕ್ಕುಗಳನ್ನು ಟ್ರಾನ್ಸ್‌ಜೆಂಡರ್‌ಗಳು ಕೂಡ ಅನುಭವಿಸಬೇಕು. ಜೈಲರ್‌ಗಳಿಗೆ ತರಬೇತಿಗಳನ್ನು ರೂಪಿಸಬಹುದು ಎಂದು ಗೃಹ ವ್ಯವಹಾರಗಳ ಸಚಿವಾಲಯವು ಸಲಹೆ ನೀಡಿದೆ.

ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ

LEAVE A REPLY

Please enter your comment!
Please enter your name here

error: Content is protected !!