ಇತ್ತೀಚಿನ ದಿನಗಳಲ್ಲಿ ಯುವಕರಲ್ಲಿಯೂ ಶುಗರ್ ಸಮಸ್ಯೆ ಹೆಚ್ಚಾಗುತ್ತಿದೆ. ಆದರೆ ಹಲವರಿಗೆ “ಪ್ರಿ ಡಯಾಬಿಟಿಸ್” ಎಂಬ ಹಂತದ ಬಗ್ಗೆ ಸರಿಯಾದ ಮಾಹಿತಿ ಇರುವುದಿಲ್ಲ. ಡಯಾಬಿಟಿಸ್ ಶುರುವಾಗುವ ಮೊದಲು ದೇಹ ನೀಡುವ ಎಚ್ಚರಿಕೆಯೇ ಪ್ರಿ ಡಯಾಬಿಟಿಸ್. ಈ ಹಂತದಲ್ಲೇ ಎಚ್ಚೆತ್ತುಕೊಂಡರೆ ಭವಿಷ್ಯದಲ್ಲಿ ಮಧುಮೇಹವನ್ನು ತಡೆಯಬಹುದು ಎಂದು ವೈದ್ಯರು ಹೇಳುತ್ತಾರೆ.
ಪ್ರಿ ಡಯಾಬಿಟಿಸ್ ಅಂದ್ರೇನು?
ದೇಹದಲ್ಲಿನ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಸಾಮಾನ್ಯ ಮಟ್ಟಕ್ಕಿಂತ ಹೆಚ್ಚು ಇರುತ್ತದೆ. ಆದರೆ ಅದು ಸಂಪೂರ್ಣ ಡಯಾಬಿಟಿಸ್ ಮಟ್ಟ ತಲುಪಿರುವುದಿಲ್ಲ. ಇದನ್ನೇ ಪ್ರಿ ಡಯಾಬಿಟಿಸ್ ಎಂದು ಕರೆಯಲಾಗುತ್ತದೆ. ಈ ಸ್ಥಿತಿಯನ್ನು ನಿರ್ಲಕ್ಷಿಸಿದರೆ ಮುಂದೆ ಟೈಪ್-2 ಡಯಾಬಿಟಿಸ್ ಅಪಾಯ ಹೆಚ್ಚಾಗಬಹುದು.
ಯಾವ ಲಕ್ಷಣಗಳು ಕಾಣಿಸಬಹುದು?
ಹೆಚ್ಚು ದಾಹವಾಗುವುದು
ಬೇಗ ದಣಿವು ಕಾಣಿಸಿಕೊಳ್ಳುವುದು
ಹೆಚ್ಚು ಹಸಿವು
ತೂಕ ಏರಿಕೆ
ಹೊಟ್ಟೆ ಸುತ್ತ ಕೊಬ್ಬು ಹೆಚ್ಚಾಗುವುದು
ಕೆಲವರಲ್ಲಿ ಯಾವುದೇ ಲಕ್ಷಣಗಳೇ ಕಾಣಿಸದಿರುವ ಸಾಧ್ಯತೆಯೂ ಇದೆ.
ರಿವರ್ಸ್ ಮಾಡೋದು ಹೇಗೆ?
ತಜ್ಞರ ಪ್ರಕಾರ, ಪ್ರತಿದಿನ ವ್ಯಾಯಾಮ ಮಾಡುವುದು, ಸಕ್ಕರೆ ಮತ್ತು ಜಂಕ್ ಫುಡ್ ಕಡಿಮೆ ಮಾಡುವುದು, ತೂಕ ನಿಯಂತ್ರಣದಲ್ಲಿಡುವುದು ಹಾಗೂ ಸರಿಯಾದ ನಿದ್ರೆ ಪಡೆಯುವುದು ಬಹಳ ಮುಖ್ಯ. ವಿಶೇಷವಾಗಿ ವಾಕಿಂಗ್ ಮತ್ತು ಪ್ರೋಟೀನ್, ಫೈಬರ್ ಹೆಚ್ಚಿರುವ ಆಹಾರ ಸೇವನೆ ಸಹಕಾರಿ.
ಜೀವನಶೈಲಿ ಬದಲಿಸಿದರೆ ಸಾಕು
ಪ್ರಿ ಡಯಾಬಿಟಿಸ್ ಹಂತದಲ್ಲಿ ಸರಿಯಾದ ಆಹಾರ ಪದ್ಧತಿ ಮತ್ತು ಆರೋಗ್ಯಕರ ಜೀವನಶೈಲಿ ಅಳವಡಿಸಿಕೊಂಡರೆ ಡಯಾಬಿಟಿಸ್ ಅಪಾಯವನ್ನು ಸಾಕಷ್ಟು ಮಟ್ಟಿಗೆ ಕಡಿಮೆ ಮಾಡಬಹುದು.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
