ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ನಿತ್ಯವೂ ಒಂದೇ ರೀತಿಯ ತಿಂಡಿ ತಿನ್ನುವುದು ಅಂದ್ರೆ ಬೇಜಾರಾಗಬಹುದು. ಹಾಗಾಗಿ ಒಮ್ಮೆ ಟ್ರೈ ಮಾಡಿ ನೋಡಿ ರುಚಿ ಜೊತೆಗೆ ಆರೋಗ್ಯಕರವಾದ ಕ್ಯಾಬೇಜ್ ದೋಸೆ.
ಬೇಕಾಗುವ ಸಾಮಾಗ್ರಿಗಳು:
ಅಕ್ಕಿ
ಉದ್ದಿನ ಬೇಳೆ
ಮೆಂತ್ಯೆ
ಒಣ ಮೆಣಸಿನಕಾಯಿ
ತೆಂಗಿನಕಾಯಿ
ಕೊತ್ತಂಬರಿ ಬೀಜ
ಜೀರಿಗೆ
ಬೆಲ್ಲ
ಹುಣಸೆಹಣ್ಣಿನ ತಿರುಳು
ಅರಿಶಿನ
ಉಪ್ಪು
ಕಪ್ ಎಲೆಕೋಸು (ನುಣ್ಣಗೆ ಕತ್ತರಿಸಿದ)
ನೀರು
ಮಾಡುವ ವಿಧಾನ:
* ಮೊದಲು ಒಂದು ದೊಡ್ಡ ಬಟ್ಟಲಿನಲ್ಲಿ ಅಕ್ಕಿ, ಉದ್ದಿನ ಬೇಳೆ ಮತ್ತು ಮೆಂತ್ಯೆ ತೆಗೆದುಕೊಂಡು ಚೆನ್ನಾಗಿ ತೊಳೆಯಿರಿ. 10 ಒಣ ಮೆಣಸಿನಕಾಯಿ ಸೇರಿಸಿ 5 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿ.
* ಈಗ ಪೇಸ್ಟ್ ತಯಾರಿಸಲು ನೆನೆಸಿದ ಮೆಣಸಿನಕಾಯಿಯನ್ನು ಮಿಕ್ಸಿ ಜಾರ್ ಗೆ ಹಾಕಿ, ತೆಂಗಿನಕಾಯಿ, ಕೊತ್ತಂಬರಿ ಬೀಜ, ಜೀರಿಗೆ, ಬೆಲ್ಲ, ಹುಣಸೆಹಣ್ಣಿನ ತಿರುಳು, ಅರಿಶಿನ ಮತ್ತು ಉಪ್ಪು ಹಾಕಿ. ಅಗತ್ಯವಿರುವಷ್ಟು ನೀರನ್ನು ಸೇರಿಸಿ ರುಬ್ಬಿ.
* ನಂತರ ಮಸಾಲಾ ಪೇಸ್ಟ್ ಅನ್ನು ದೊಡ್ಡ ಬಟ್ಟಲಿಗೆ ಹಾಕಿಡಿ.
* ಈಗ ಅದೇ ಮಿಕ್ಸಿಗೆ ನೆನೆಸಿದ ಅಕ್ಕಿಯನ್ನು ಹಾಕಿ, ಚೆನ್ನಾಗಿ ರುಬ್ಬಿ. ಅಕ್ಕಿ ಹಿಟ್ಟನ್ನು ಮಸಾಲೆಯ ಮಿಶ್ರಣದ ಬಟ್ಟಲಿಗೆ ಹಾಕಿ.
* ಈಗ ಎರಡನ್ನೂ ಚೆನ್ನಾಗಿ ಮಿಕ್ಸ್ ಮಾಡಿ. ಈ ಮಿಶ್ರಣಕ್ಕೆ ಎಲೆಕೋಸು ಅಥವಾ ಕ್ಯಾಬೇಜ್ ಮತ್ತು ನೀರು ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿ, ದೋಸೆ ಹಿಟ್ಟಿನ ಹದಕ್ಕೆ ರೆಡಿಮಾಡಿಕೊಳ್ಳಿ.
* ಪ್ಯಾನ್‌ ಮೇಲೆ ಹಿಟ್ಟನ್ನು ಸುರಿದು, ನಿಧಾನವಾಗಿ ಹರಡಿ ನಂತರ ಚೆನ್ನಾಗಿ ಬೇಯಿಸಿ. ಈಗ ಬಿಸಿಬಿಸಿ ಕ್ಯಾಬೇಜ್ ದೋಸೆ ಸವಿಯಲು ಸಿದ್ಧ.
