Friday, August 12, 2022

Latest Posts

ಹಕ್ಕಿಯಂತೆ ಹಾರುವ ಐಶಾರಾಮಿ ಹೊಟೇಲ್‌: ಬಾನಿನಲ್ಲಿ ತೇಲುತ್ತಾ ಊಟ ಸವಿಯಬಹುದು!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್:‌ 

ಭೂಮಿ, ಹಡಗುಗಳಲ್ಲಿ ನಾವು ಐಶಾರಾಮಿ ಹೊಟೇಲ್‌ಗಳನ್ನು ನೋಡಿದ್ದೇವೆ. ಆದರೆ ಆಕಾಶದಲ್ಲಿ ರಿಚ್‌ ಹೊಟೇಲ್‌ ನೋಡಿದ್ದೀರಾ..? ಅದು ಕೂಡ ಬಹಳ ದೂರದಲ್ಲಿಲ್ಲ. ಆದಷ್ಟು ಬೇಗ ಬಾನಿನಲ್ಲಿ ಹಕ್ಕಿಯಂತೆ ಹಾರುತ್ತಾ ಊಟ, ಶಾಪಿಂಗ್‌, ಸಿನಿಮಾ ಎಲ್ಲವನ್ನು ಎಂಜಾಯ್‌ ಮಾಡುವಂತ ಹೊಟೇಲ್‌ ರೆಡಿಯಾಗಲಿದೆ. ಈ ಬಗ್ಗೆ ಯೆಮೆನ್‌ನ ಪ್ರಮುಖ ವಿಜ್ಞಾನ ಇಂಜಿನಿಯರ್ ಹಾಶಿಮ್ ಅಲ್-ಘೈಲಿ ಅವರು ʻಸ್ಕೈ ಕ್ರೂಸ್ʼ ಹೆಸರಿನ ಫ್ಲೈಯಿಂಗ್ ಹೋಟೆಲ್ ಕಂಪ್ಯೂಟರ್ ಗ್ರಾಫಿಕ್ಸ್ ವಿಡಿಯೋವನ್ನು ಯೂಟ್ಯೂಬ್ ನಲ್ಲಿ ಬಿಡುಗಡೆ ಮಾಡಿದ್ದು, ಜನರನ್ನು ಬೆರಗುಗೊಳಿಸಿದೆ.

ಕೃತಕ ಬುದ್ಧಿಮತ್ತೆಯ ಸಹಾಯದಿಂದ ಹಾರುವ ಈ ವಿಮಾನದಲ್ಲಿ ಏಕಕಾಕ್ಕೆ 5,000 ಜನರು ಪ್ರಯಾಣಿಸಬಹುದು. 20 ಪರಮಾಣು-ಚಾಲಿತ ಇಂಜಿನ್‌ಗಳನ್ನು ಅಂತಹ ದೊಡ್ಡ ವಿಮಾನ ಗ್ಯಾಲನ್ ಹಾರಲು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಈ ಉದ್ದೇಶಕ್ಕಾಗಿ, ಅದರಲ್ಲಿ ಸಣ್ಣ ಪರಮಾಣು ರಿಯಾಕ್ಟರ್ ಅನ್ನು ಸ್ಥಾಪಿಸಲಾಗುವುದು. ವಿಮಾನಕ್ಕೆ ಅನಿಯಮಿತ ಇಂಧನ ಪೂರೈಕೆಗೂ ವ್ಯವಸ್ಥೆ ಮಾಡಲಾಗಿದೆ.ಇದರಲ್ಲಿರುವ ವಿಶೇಷ ಲಿಫ್ಟ್ ಮೂಲಕ ನಿಮ್ಮನ್ನು ಈ ಹಾರುವ ಹೋಟೆಲ್‌ಗೆ ಕರೆದೊಯ್ಯಲಾಗುತ್ತದೆ. ಈ ವಿಮಾನ ಕೆಟ್ಟು ನಿಂತರೆ ಗ್ಯಾಲನ್‌ಗಳಲ್ಲಿಯೇ ರಿಪೇರಿ ಮಾಡಬಹುದು.

ಈ ವಿಮಾನದಲ್ಲಿ ಇರುವ ಸೌಲಭ್ಯಗಳು ಅಷ್ಟಿಷ್ಲ್ಲ. ದೊಡ್ಡ ಶಾಪಿಂಗ್ ಮಾಲ್, ರೆಸ್ಟೋರೆಂಟ್‌, ಬಾರ್‌, ಕ್ರೀಡಾ ಕೇಂದ್ರ, ಆಟದ ಮೈದಾನ, ಸಿನಿಮಾ ಹಾಲ್‌, ಈಜುಕೊಳ, ಮದುವೆ ಹಾಲ್‌ ಮತ್ತು ಕಾನ್ಫರೆನ್ಸ್ ಹಾಲ್‌ಗಳನ್ನು ಕಾಣಬಹುದು. ಅತಿಥಿಗಳು ಮೇಲಿನಿಂದಲೇ ಕೆಳಗಿನ ಪ್ರಪಂಚವನ್ನು 360 ಡಿಗ್ರಿ ಕೋನದಲ್ಲಿ ವೀಕ್ಷಿಸಲು ಸಾಧ್ಯವಾಗುತ್ತದೆ. ವಿಶೇಷವಾಗಿ ವಿಮಾನದ ತುದಿಯಲ್ಲಿರುವ ಬೃಹತ್ ಡೆಕ್‌ನಿಂದ ಬೆಳಕು ಹೊರಸೂಸುವಂತೆ ಸಂಪೂರ್ಣ ಗಾಜಿನ ದೇಹದೊಂದಿಗೆ ವಿನ್ಯಾಸಗೊಳಿಸಲಾಗುವುದು.

ವಿಮಾನದ ಎರಡೂ ಬದಿಯಲ್ಲಿ ಸ್ಥಾಪಿಸಲಾದ ಬಾಲ್ಕನಿಯಿಂದ ಆಕಾಶದಲ್ಲಿರುವ ತಾರೆಗಳನ್ನು ನೋಡುವ ವ್ಯವಸ್ಥೆಯೂ ಇದೆ. ಕ್ರೂಸ್ ಕ್ರಾಫ್ಟ್ ಆಂಟಿ-ಕಂಪನ ತಂತ್ರಜ್ಞಾನವನ್ನು ಸಹ ಹೊಂದಿದೆ, ಅದು ದಟ್ಟವಾದ ಮೋಡಗಳ ಮೂಲಕ ಹಾರುವಾಗ ಅಡೆತಡೆ ಉಂಟಾಗುವುದಿದ್ದರೆ ಮುಂಚಿವಾಗಿಯೇ ಸೂಚನೆ ನೀಡುತ್ತದೆ. ಆರೋಗ್ಯ ತಪಾಸಣೆಗಾಗಿ ಅತ್ಯಾಧುನಿಕ ವೈದ್ಯಕೀಯ ಕೇಂದ್ರವನ್ನೂ ರೂಪಿಸಬೇಕೆಂದು ವಿನ್ಯಾಸಕಾರರು ತಿಳಿಸಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss