ದೈಹಿಕವಾಗಿ ಗಟ್ಟಿಯಾಗಿರೋಕೆ ಒಳ್ಳೊಳ್ಳೆ ಆಹಾರ, ವ್ಯಾಯಾಮ, ನಿದ್ದೆ ಸಾಕು ಆದರೆ ಮಾನಸಿಕವಾಗಿ ಗಟ್ಟಿಯಾಗಿರೋದಕ್ಕೆ ತುಂಬಾನೇ ಕಷ್ಟ. ಮೆಂಟಲಿ ಸ್ಟ್ರಾಂಗ್ ಆಗಿ ಇರು ಅನ್ನೋದನ್ನು ಎಲ್ಲರೂ ಹೇಳ್ತಾರೆ, ಆದರೆ ಹೇಗೆ ಅನ್ನೋದು ಯಾರಿಗೂ ತಿಳಿದಿಲ್ಲ. ಮಾನಸಿಕವಾಗಿ ಗಟ್ಟಿಯಾರೋದಕ್ಕೆ ಈ ಜೀವನಶೈಲಿ ಬೇಕು.. ಹೇಗೆ ನೋಡಿ..
ಈ ಕ್ಷಣದಲ್ಲಿ ಬದುಕಿ, ನೆನ್ನೆ ಇಲ್ಲ, ನಾಳೆ ತಿಳಿದಿಲ್ಲ. ಬದುಕಿರುವುದು ಈಗ ಮಾತ್ರ ಇದನ್ನು ಮೊದಲು ಗಟ್ಟಿಯಾಗಿ ಅರಿತುಕೊಳ್ಳಿ.
ನಿಮ್ಮನ್ನು ನೀವು ಒಪ್ಪಿಕೊಳ್ಳಿ ಅದು ದೈಹಿಕವಾಗಿ ಇರಬಹುದು ಅಥವಾ ಮಾನಸಿಕವಾಗಿಯೂ ಇರಬಹುದು, ಇರುವುದನ್ನು ಇದು ಹೀಗೆ ಎಂದು ಮನಸ್ಸಿನಲ್ಲಿ ಆಳವಾಗಿ ಬೇರೂರಿಸಿ.
ಎಲ್ಲರಿಗೂ, ಎಲ್ಲದಕ್ಕೂ ಹೊಂದಾಣಿಕೆ ಮಾಡಿಕೊಳ್ಳಬೇಡಿ, ನೀವು ನಿಮ್ಮಂತೆಯೇ ಇರಿ, ಇತರರು ನಿಮ್ಮನ್ನು ಅರ್ಥಮಾಡಿಕೊಳ್ಳುತ್ತಾರೆ ಹಾಗೆ ಹೊಂದಾಣಿಕೆ ಕೂಡ ಮಾಡಿಕೊಳ್ಳುತ್ತಾರೆ.
ಸೋಲಿಗೆ ಭಯಪಡಬೇಡಿ, ಸೋಲುತ್ತೀರ ಅಷ್ಟೆ ಸಾಯುವುದಿಲ್ಲ.
ಎಲ್ಲದ್ದಕ್ಕೂ, ಎಲ್ಲರಿಗೂ ಸಕಾರಾತ್ಮಕವಾಗಿಯೇ ಉತ್ತರ ನೀಡಿ.
ಪ್ರತಿದಿನ ನಿಮ್ಮ ಜೊತೆ ನೀವು ಮಾತನಾಡಿ, ಇದರ ಬಗ್ಗೆ ಯಾವುದೇ ನಾಚಿಕೆ ಬೇಡಿ, ನಿಮ್ಮ ಬಳಿ ಮಾತನಾಡಿ, ಆತ್ಮಾವಲೋಕನ ಮಾಡಿಕೊಳ್ಳಿ.
ಆತ್ಮವಿಶ್ವಾಸ ಇರಲಿ. ಅದಕ್ಕೆ ಯಾವ ರೀತಿಯ ತಯಾರಿ ಬೇಕೋ ಮಾಡಿಕೊಳ್ಳಿ.
ನಿಮ್ಮ ಮೇಲೆ ನಂಬಿಕೆ ಇರಲಿ, ನಿಮ್ಮ ಕೆಲಸಗಳಲ್ಲಿ ಶಿಸ್ತು ಇರಲಿ.
ಪ್ರತಿ ದಿನವು ಒಂದು ಹೊಸ ಅವಕಾಶದಂತೆ ಅನುಭವಿಸಿ
