ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಮಾನವ ಮುಖವನ್ನು ಒಂದಿಷ್ಟು ಹೋಲುವ, ನೋಡಲು ಕ್ಯೂಟ್ ಕ್ಯೂಟ್ ಆಗಿರುವ, ಅಷ್ಟೇ ಅಪಾಯಕಾರಿಯೂ ಆಗಿರುವ ಅತ್ಯಂತ ಅಪರೂಪದ ಪಫ್ಫರ್ ಫಿಶ್ ಆಂಧ್ರ ಪ್ರದೇಶದ ವಿಶಾಖಪಟ್ಟಣಂ ಸಮುದ್ರದಲ್ಲಿ ಮೀನುಗಾರರ ಬಲೆಗೆ ಬಿದ್ದಿದೆ.
ಸಮುದ್ರದ ಆಳದಲ್ಲಷ್ಟೇ ಕಾಣಸಿಗುವ ಈ ಮೀನು ವಿಷಕಕಾರಿಯಾಗಿದ್ದು, ಇದರ ವಿಷವು ಸೈನೈಡ್‌ಗಿಂತ ಸಾವಿರ ಪಟ್ಟು ತೀವ್ರವಿದೆ. ಶತ್ರುಗಳು ದಾಳಿ ಮಾಡುವ ಸಂದರ್ಭ ದೇಹವನ್ನು ಬಲೂನ್‌ನಂತೆ ಹಿಗ್ಗಿಸಿಕೊಳ್ಳುವುದು ಇದರ ವಿಶೇಷತೆ.
ಜಪಾನ್‌ನಲ್ಲಿ ನೆಚ್ಚಿನ ಖಾದ್ಯವಾಗಿ ಬಳಸುವ ಈ ಮೀನನ್ನು ತಿಂದು ಪ್ರತಿ ವರ್ಷ ನೂರಾರು ಜಪಾನಿಗರು ಸಾಯುತ್ತಾರೆ. ಹೀಗಾಗಿ ಅಲ್ಲಿ ಇದರ ಆಹಾರ ತಯಾರಿಸಲು ಪರವಾನಿಗೆ ಕೂಡಾ ಬೇಕಾಗಿದೆ. ತರಬೇತಿ ಪಡೆದ ಬಾಣಸಿಗರಿಗೆ ಮಾತ್ರ ಈ ಮೀನಿನ ಖಾದ್ಯ ತಯಾರಿಸಲು ಸಾಧ್ಯ.
