ಹೊಸದಿಗಂತ ಡಿಜಿಟಲ್ ಡೆಸ್ಕ್:
ತಮಿಳುನಾಡು ಮುಖ್ಯಮಂತ್ರಿ ಮತ್ತು ಡಿಎಂಕೆ ಮುಖ್ಯಸ್ಥ ಎಂಕೆ ಸ್ಟಾಲಿನ್ ಅವರು ಇಂದು ನಡೆಯಲಿರುವ I.N.D.I.A ಬ್ಲಾಕ್ ಸಭೆಗೂ ಮುನ್ನ ಬುಧವಾರ ದೆಹಲಿಗೆ ತೆರಳಿದ್ದಾರೆ. 2024ರ ಲೋಕಸಭೆ ಚುನಾವಣೆಯಲ್ಲಿ ತಮಿಳುನಾಡಿನಲ್ಲಿ ಸ್ಟಾಲಿನ್ ಅವರ ಡಿಎಂಕೆ ಪಕ್ಷ 22 ಸ್ಥಾನಗಳನ್ನು ಗೆದ್ದಿದೆ.
“ಬಿಜೆಪಿಯ ಎಲ್ಲಾ ಹಣಬಲ-ಅಧಿಕಾರದ ದುರುಪಯೋಗ ಮಾಧ್ಯಮ ಲಾಬಿಯನ್ನು ಮುರಿಯುವಲ್ಲಿ I.N.D.I.A ಬ್ಲಾಕ್ ಸಾಧಿಸಿದ ಯಶಸ್ಸು ಅಗಾಧ ಮತ್ತು ಐತಿಹಾಸಿಕವಾಗಿದೆ” ಎಂದು ಅವರು ಹೇಳಿದರು.
ಭಾರತೀಯ ಜನತಾ ಪಾರ್ಟಿ ನೇತೃತ್ವದ ಎನ್‌ಡಿಎ ಮತ್ತು I.N.D.I.A ಬ್ಲಾಕ್ ಎರಡೂ ರಾಜಕೀಯ ಕ್ರಿಯೆಯ ಭವಿಷ್ಯದ ಕಾರ್ಯತಂತ್ರಗಳನ್ನು ರೂಪಿಸಲು ಬುಧವಾರ ಸಭೆಗಳನ್ನು ನಡೆಸಲು ಸಿದ್ಧವಾಗಿವೆ.
ಇಂದು ಬೆಳಗ್ಗೆ 11.30ಕ್ಕೆ ದೆಹಲಿಯಲ್ಲಿ ಕೇಂದ್ರ ಸಚಿವ ಸಂಪುಟ ಸಭೆ ನಡೆಯುವ ಸಾಧ್ಯತೆ ಇದೆ. ಎನ್‌ಡಿಎ ನಾಯಕರು ಇಂದು ಪ್ರಧಾನಿ ಮೋದಿ ಅವರ ಜೊತೆ ಮಧ್ಯಾಹ್ನ 3.30ರ ಸುಮಾರಿಗೆ ಸಭೆ ಸಭೆ ನಡೆಸಲಿದ್ದಾರೆ.
