ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಜನವರಿ 20 ರಿಂದ ಮತ್ತೊಂದು ಕ್ರೀಡಾ ಸಂಭ್ರಮ ನಡೆಯಲಿದೆ. ಹೌದು, ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿಯಾಗಿರುವ ಆಟಗಾರರು ಲೆಜೆಂಡ್ಸ್ ಕ್ರಿಕೆಟ್ ಲೀಗ್ ಮೂಲಕ ಮತ್ತೆ ಮೈದಾನಕ್ಕೆ ಇಳಿಯಲಿದ್ದಾರೆ.
ಈ ಟೂರ್ನಿಯು ಒಮನ್ನ ಅಲ್ ಅಮೆರತ್ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಈ ಟೂರ್ನಿಯಲ್ಲಿ
‘ಇಂಡಿಯಾ ಮಹಾರಾಜ’ ಎಂಬ ಹೆಸರಿನೊಂದಿಗೆ ಭಾರತ ತಂಡ ಪಾಲ್ಗೊಳ್ಳುತ್ತಿದೆ ಇದರಲ್ಲಿ ಸ್ಫೋಟಕ ಆಟಗಾರ ವೀರೇಂದ್ರ ಸೆಹ್ವಾಗ್, ಆಲ್ರೌಂಡರ್ ಯುವರಾಜ್ ಸಿಂಗ್ ಹಾಗೂ ಹರ್ಭಜನ್ ಸಿಂಗ್ ಇದ್ದಾರೆ.
ಭಾರತ ಮಹಾರಾಜ ತಂಡ:
ವೀರೇಂದ್ರ ಸೆಹ್ವಾಗ್, ಇರ್ಫಾನ್ ಪಠಾಣ್, ಯೂಸುಫ್‌ ಪಠಾಣ್, ಹರ್ಭಜನ್ ಸಿಂಗ್, ಯುವರಾಜ್ ಸಿಂಗ್, ಎಸ್. ಬದ್ರಿನಾಥ್, ಆರ್.ಪಿ.ಸಿಂಗ್, ಪ್ರಗ್ಯಾನ್ ಓಜಾ, ನಮನ್ ಓಜಾ, ಮನಪ್ರೀತ್ ಗೋನಿ, ಹೇಮಗ್ ಬದಾನಿ, ವೇಣುಗೋಪಾಲ್ ರಾವ್, ಮುನಾಫ್ ಪಟೇಲ್, ಸಂಜಯ್ ಬಂಗಾರ, ನಯನ್ ಮೊಂಗ್ಯಾ, ಅಮೀತ್ ಭಂಡಾರಿ ಇರಲ್ಲಿದ್ದಾರೆ.
ಇನ್ನು ಪಾಕ್ ಹಾಗೂ ಶ್ರೀಲಂಕಾ ಕ್ರಿಕೆಟ್ ಟೀಮ್ ಕೂಡ ಈ ಪಂದ್ಯದಲ್ಲಿದ್ದು, ಲೆಜೆಂಡ್ಗಳಾದ ಶೋಯೆಬ್ ಅಖ್ತರ್, ಶಾಹಿದ್ ಅಫ್ರಿದಿ, ಸನತ್ ಜಯಸೂರ್ಯ, ಮುತ್ತಯ್ಯ ಮುರಳೀಧರನ್, ಕಮ್ರಾನ್ ಅಕ್ಮಲ್, ದಿಲ್ಸ್ಯಾನ್, ಮಿಸ್ಬಾ ಉಲ್ ಹಕ್, ಮೊಹಮ್ಮದ್ ಹಫೀಜ್, ಶೋಯೆಬ್ ಮಲಿಕ್, ಮೊಹಮ್ಮದ್ ಯೂಸೂಫ್‌ ಹಾಗೂ ಉಮರ್ ಗುಲ್ ಮೊದಲಾದವರು ಆಡಲಿದ್ದಾರೆ.
ಈ ಲೀಗ್ ಪಂದ್ಯ ಭಾರತ, ಏಷ್ಯಾ ಮತ್ತು ವಿಶ್ವ ಇತರೆ ತಂಡಗಳ ನಡುವೆ ನಡೆಯಲಿವೆ. ಬಾಲಿವುಡ್ನ ಬಿಗ್‌ಬಿ ಅಮಿತಾಬ್ ಬಚ್ಚನ್ ಲೆಜೆಂಡ್ಸ್ ಲೀಗ್ನ ರಾಯಭಾರಿಯಾಗಿದ್ದಾರೆ.
