ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಭಾರತೀಯ ಸೇವಾ ವಲಯದ ಬೆಳವಣಿಗೆಯು ಡಿಸೆಂಬರ್‌ನಲ್ಲಿ ಆರು ತಿಂಗಳ ಗರಿಷ್ಠ ಮಟ್ಟವನ್ನು ತಲುಪಿದೆ. ದೃಢವಾದ ಸೇವೆ, ಹೊಸ ಕೆಲಸಗಳು ಮತ್ತು ಅನುಕೂಲಕರ ಮಾರುಕಟ್ಟೆ ಪರಿಸ್ಥಿತಿಗಳಿಂದ ಸೇವಾ ವಲಯವು ಬೆಳವಣಿಗೆ ದಾಖಲಿಸಿದೆ ಎಂದು ಮಾಸಿಕ ಸಮೀಕ್ಷೆ ಬುಧವಾರ ತಿಳಿಸಿದೆ. S&P ಗ್ಲೋಬಲ್ ಇಂಡಿಯಾ ಸರ್ವೀಸಸ್ PMI ವ್ಯಾಪಾರ ಚಟುವಟಿಕೆ ಸೂಚ್ಯಂಕವು ಡಿಸೆಂಬರ್‌ನಲ್ಲಿ 58.5 ಕ್ಕೆ ಏರಿದ್ದು , ಇದು 2022 ರ ಮಧ್ಯದ ನಂತರದ ವಿಸ್ತರಣೆಯ ಪ್ರಬಲ ದರವನ್ನು ತೋರಿಸಿದೆ. ನವೆಂಬರ್‌ನಲ್ಲಿ ಈ ದರವು 56.4 ರಷ್ಟಿತ್ತು.
“ಡಿಸೆಂಬರ್ ತಿಂಗಳಲ್ಲಿ ಭಾರತೀಯ ಸೇವಾ ಚಟುವಟಿಕೆಗಳು ಸ್ವಾಗತಾರ್ಹ ವಿಸ್ತರಣೆಯನ್ನು ಕಂಡಿತು. ಇದು 2023ರಲ್ಲಿ ಬೇಡಿಕೆಯ ಸ್ಥಿತಿಸ್ಥಾಪಕತ್ವವನ್ನು ಒತ್ತಿಹೇಳುತ್ತದೆ” ಎಂದು ಎಸ್ & ಪಿ ಗ್ಲೋಬಲ್ ಮಾರ್ಕೆಟ್ ಇಂಟೆಲಿಜೆನ್ಸ್‌ನ ಅರ್ಥಶಾಸ್ತ್ರದ ಸಹಾಯಕ ನಿರ್ದೇಶಕ ಪೊಲ್ಯನ್ನಾ ಡಿ ಲಿಮಾ ಹೇಳಿದ್ದಾರೆ. “ನಾವು 2023 ಕ್ಕೆ ಕಾಲಿಡುತ್ತಿರುವ ವೇಳೆ, ಕಂಪನಿಗಳು ಉತ್ಪಾದನೆಯ ದೃಷ್ಟಿಕೋನದಲ್ಲಿ ಬಲವಾದ ಬೆಳವಣಿಗೆಯನ್ನು ಸೂಚಿಸುತ್ತಿವೆ. ಸುಮಾರು 31 ಪ್ರತಿಶತ ತಜ್ಞರು ಬೆಳವಣಿಗೆಯನ್ನು ಮುನ್ಸೂಚಿಸುತ್ತಾರೆ,ಕೇವಲ 2 ಪ್ರತಿಶತದಷ್ಟು ಮಾತ್ರ ಸಂಕೋಚನವನ್ನು ನಿರೀಕ್ಷಿಸುತ್ತಾರೆ. ಡಿಸೆಂಬರ್‌ನಲ್ಲಿ, ಹೆಚ್ಚಿನ ಉದ್ಯೋಗಗಳನ್ನು ಸೃಷ್ಟಿಸಲಾಗಿದೆ. ಇದು ಮುಂದಿನ ವರ್ಷದ ಬೆಳವಣಿಗೆಗೆ ಬಲವಾದ ಮುನ್ಸೂಚನೆಯಾಗಿದೆ.” ಎಂದೂ ಅವರು ಉಲ್ಲೇಖಿಸಿದ್ದಾರೆ.
400 ಸೇವಾ ವಲಯದ ಕಂಪನಿಗಳಿಂದ ಸಂಗ್ರಹಿಸಲಾದ ದತ್ತಾಂಶಗಳಿಂದ ಈ ಸಮೀಕ್ಷೆಯನ್ನು ಸಂಕಲಿಸಲಾಗಿದೆ.
