ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಇಂಡೋನೇಷ್ಯಾದ ಜಾವಾ ದ್ವೀಪದಲ್ಲಿ ಮೌಂಟ್ ಸಮೇರು ಜ್ವಾಲಾಮುಖಿ ಸ್ಫೋಟಗೊಂಡಿದ್ದು, ಇದರಿಂದ ಅಪಾಯಕಾರಿ ಮಟ್ಟದಲ್ಲಿ ಲಾವಾ ಹೊರಬರುತ್ತಿದೆ. ಅಧಿಕಾರಿಗಳು ಸುತ್ತಮುತ್ತಲಿನ ಜನರನ್ನು ಸ್ಥಳಾಂತರಿಸಿದ್ದು, ಸದ್ಯ ಸ್ಥಳೀಯರಲ್ಲಿ ಯಾರಿಗೂ ಅಪಾಯ ಉಂಟಾಗಿಲ್ಲ.
ಜ್ವಾಲಾಮುಖಿಯ ಸುತ್ತಲಿನ ಪ್ರದೇಶದಿಂದ ಸುಮಾರು 2,000 ಜನರನ್ನು ಅಧಿಕಾರಿಗಳು ಸ್ಥಳಾಂತರಿಸಿದ್ದಾರೆ. ಹೊರಸೂಸುವ ಲಾವಾದಿಂದ ಕನಿಷ್ಠ 8 ಕಿಮೀ (5 ಮೈಲುಗಳು) ದೂರದಲ್ಲಿರಲು ಸ್ಥಳೀಯ ಅಧಿಕಾರಿಗಳು ಜನರಿಗೆ ಸಲಹೆ ನೀಡಿದ್ದಾರೆ.
ಇಂಡೋನೇಷ್ಯಾದ ಜ್ವಾಲಾಮುಖಿ ಮತ್ತು ಭೂವೈಜ್ಞಾನಿಕ ಅಪಾಯಗಳ ತಡೆಗಟ್ಟುವಿಕೆ ಕೇಂದ್ರದ (PVMBG) ಪ್ರತಿನಿಧಿ ಪ್ರಕಾರ, ಈ ಜ್ವಾಲಾಮುಖಿ ಸ್ಫೋಟದಿಂದಾಗಿ, ಒಂದೂವರೆ ಕಿಲೋಮೀಟರ್ ಬೂದಿ ಗಾಳಿಯಲ್ಲಿ ಎಸೆಯಲ್ಪಟ್ಟಿದೆ ಮತ್ತು ಸುತ್ತಮುತ್ತಲಿನ ಹಳ್ಳಿಗಳನ್ನು ಆವರಿಸಿದೆ. ಈ ಜ್ವಾಲಾಮುಖಿ ಸ್ಫೋಟದ ನಂತರ ಸುಮಾರು ಆರು ಗ್ರಾಮಗಳು ಹಾನಿಗೊಳಗಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮತ್ತೊಂದೆಡೆ, ಕಳೆದ ಕೆಲವು ದಿನಗಳಲ್ಲಿ ಹವಾಯಿ ದ್ವೀಪದ ಮೌನಲೋವಾ ಜ್ವಾಲಾಮುಖಿ ಸ್ಫೋಟಗೊಂಡಿದೆ. ಸುತ್ತಮುತ್ತಲಿನ ಪ್ರದೇಶಗಳೆಲ್ಲವೂ ಲಾವಾ ಬೂದಿಯಿಂದ ಆವೃತವಾಗಿವೆ.
ಲಾವಾ ಹರಿವು ಗಂಟೆಗೆ ಸುಮಾರು 200 ಅಡಿಗಳಷ್ಟು ಈಶಾನ್ಯಕ್ಕೆ ಚಲಿಸುತ್ತಿದೆ ಎಂದು ಹವಾಯಿ ಅಧಿಕಾರಿಗಳು ತಿಳಿಸಿದ್ದಾರೆ. ಆದಾಗ್ಯೂ, 1984 ರಿಂದ ಮೌನಾಲೋವಾದಿಂದ ಲಾವಾ ಸ್ಫೋಟಗೊಂಡ ಮೊದಲ ದೊಡ್ಡ ಪ್ರಮಾಣದ ಸ್ಫೋಟ ಇದಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದೇ ವೇಳೆ, ಸೆಮೆರು ಜ್ವಾಲಾಮುಖಿ ಸ್ಫೋಟದಿಂದ ಸುನಾಮಿ ಬರುವ ಸಾಧ್ಯತೆ ಇದೆ ಎಂದು ಜಪಾನ್ ಎಚ್ಚರಿಕೆ ನೀಡಿದೆ.
Mohon Doanya semua untuk Lumajang, Erupsi Semeru sedang berlangsung. Di rumahku, seperti mendung mau hujan. pic.twitter.com/UBaHlDLkTT
— NineInspire (@AnggraNing) December 4, 2022
