ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಭಾರತವು ಪಿತ್ರಾರ್ಜಿತ ತೆರಿಗೆಯನ್ನು ಪರಿಚಯಿಸಿದರೆ, ಅಂಬಾನಿ ಮತ್ತು ಅದಾನಿಯಂಥ ಶ್ರೀಮಂತರು ತೆರಿಗೆ ಪಾವತಿಸುವುದನ್ನು ತಪ್ಪಿಸಲು ದುಬೈನಂತಹ ದೇಶಗಳಿಗೆ ವಲಸೆ ಹೋಗುತ್ತಾರೆ ಎಂದು ರಾಜಕೀಯ ಅರ್ಥಶಾಸ್ತ್ರಜ್ಞ ಮತ್ತು ಬರಹಗಾರ ಗೌತಮ್ ಸೇನ್ ಹೇಳಿದ್ದಾರೆ.
ಭಾರತದಲ್ಲಿ ಪಿತ್ರಾರ್ಜಿತ ತೆರಿಗೆಯನ್ನು ಹೇರುವ ಕಾಂಗ್ರೆಸ್‌ನ ಪ್ರಸ್ತಾಪವು ಅಂಬಾನಿ ಮತ್ತು ಅದಾನಿಯಂಥ ಶ್ರೀಮಂತರು ತೆರಿಗೆ ಪಾವತಿಸುವುದನ್ನು ತಪ್ಪಿಸಲು ದುಬೈನಂತಹ ದೇಶಗಳಿಗೆ ತಮ್ಮ ಕಚೇರಿಗಳನ್ನು ಸ್ಥಳಾಂತರಿಸಲು ಕಾರಣವಾಗುತ್ತದೆ.
ಭಾರತದ ಶ್ರೀಮಂತರು ತೆರಿಗೆ ವಿಧಿಸದ ಸ್ಥಳಗಳಿಗೆ ವಲಸೆ ಹೋಗುತ್ತಿದ್ದಾರೆ. ಇದರಿಂದ ಭಾರತ ಗಣನೀಯ ಪ್ರಮಾಣದ ಸಂಪತ್ತನ್ನು ಕಳೆದುಕೊಳ್ಳಲಿದೆ ಎಂದರು.
ಪಿತ್ರಾರ್ಜಿತ ತೆರಿಗೆಯ ಪರಿಚಯವು ಭಾರತದ ಆರ್ಥಿಕತೆ ಮತ್ತು ಭದ್ರತೆಯ ಮೇಲೆ ಪರಿಣಾಮ ಬೀರುತ್ತದೆ. ದೇಶ ತೊರೆದಿರುವ ಹೆಚ್ಚಿನ ಭಾರತೀಯ ಮಿಲಿಯನೇರ್‌ಗಳು ದುಬೈಗೆ ಹೋಗಿದ್ದಾರೆ. ಏಕೆಂದರೆ ದುಬೈನಲ್ಲಿ ಆದಾಯ ತೆರಿಗೆ ಇಲ್ಲ. ಅವರು ಯುಎಇಯಲ್ಲಿ ತಮ್ಮ ಕಂಪನಿಗಳನ್ನು ಮರು-ನೋಂದಣಿ ಮಾಡುತ್ತಾರೆ. ಇದರರ್ಥ ಭಾರತವು ಅವರಿಂದ ಕಾರ್ಪೊರೇಟ್ ತೆರಿಗೆಗಳನ್ನು ಮಾತ್ರ ಸಂಗ್ರಹಿಸಬಹುದು ಎಂದು ಅವರು ವಿವರಿಸಿದರು.
