ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ನಿರ್ಬಂಧ ವಿಧಿಸಿದ್ದರೂ ದೆಹಲಿಯ ಜಂತರ್‌ ಮಂತರ್‌ನ ಬ್ಯಾರಿಕೇಡ್‌ ಮುರಿದು ನುಗ್ಗಿದ ಸಿಜೆಪಿ ವಕ್ತಾರರಾದ ಸೌರವ್ ದಾಸ್, ಅಶುತೋಷ್ ರಾಂಕಾ ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಇಂದು ಬೆಳಗ್ಗೆ ರಾಷ್ಟ್ರಧ್ವಜವನ್ನು ಹಿಡಿದು ಸೌರವ್ ದಾಸ್, ಅಶುತೋಷ್ ರಾಂಕಾ ಹಾಗೂ ಇತರರು ಜಂತರ್‌ ಮಂತರ್‌ಗೆ ಆಗಮಿಸಿದ್ದಾರೆ. ನಿನ್ನೆಯಷ್ಟೇ ಜಂತರ್‌ ಮಂತರ್‌ನಲ್ಲಿ ಪ್ರತಿಭಟನೆಗಳನ್ನು ಮಾಡುವಂತಿಲ್ಲ ಎಂದು ಆದೇಶ ಹೊರಡಿಸಲಾಗಿದೆ. ಈ ಮಧ್ಯೆಯೂ ಗೋಡೆ ಹಾರಿ, ನುಗ್ಗಿ ಜಂತರ್‌ ಮಂತರ್‌ ಒಳಗೆ ಪ್ರತಿಭಟನೆ ನಡೆಸಿದ್ದಾರೆ. ತ್ರಿವರ್ಣ ಧ್ವಜ ಹಾರಿಸಿ ಘೋಷಣೆ ಕೂಗಿದ್ದಾರೆ. ಇವರ ಜೊತೆಗೆ ಅಲ್ಲಿದ್ದ ಕಾರ್ಯಕರ್ತರೂ ಗೋಡೆ ಹಾರಿ ಒಳಕ್ಕೆ ಬಂದಿದ್ದಾರೆ.
ತಕ್ಷಣ ಪೊಲೀಸರು ಎಲ್ಲರನ್ನೂ ವಶಕ್ಕೆ ಪಡೆದಿದ್ದಾರೆ.ಶನಿವಾರ ಬೆಳಗ್ಗೆ ವಿಮಾನದ ಒಳಗಡಯೇ ಅಭಿಜಿತ್‌ ದೀಪ್ಕೆ, ಸೌರವ್ ದಾಸ್, ಅಶುತೋಷ್ ರಾಂಕಾ ಅವರನ್ನು ಪೊಲೀಸರು ವಶಕ್ಕೆ ಪಡೆದು ಭಾನುವಾರ ಬೆಳಗ್ಗೆ ಬಿಡುಗಡೆ ಮಾಡಿದ್ದರು. ಬಿಡುಗಡೆಯ ವೇಳೆ 50 ಸಾವಿರ ರೂ. ಬಾಂಡ್‌ ಮತ್ತು 1 ವರ್ಷ ಶಾಂತಿಗೆ ಭಂಗ ತರುವ ಕೆಲಸ ಮಾಡುವುದಿಲ್ಲ ಎಂದು ಷರತ್ತಿಗೆ ಸಹಿ ಹಾಕಿ ಬಿಡುಗಡೆಯಾಗಿದ್ದರು.
