ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕಾಳಿ ದೇವಿಯನ್ನು ಧೂಮಪಾನ ಮಾಡುವ ಮಹಿಳೆಯಂತೆ ಚಿತ್ರಿಸಿ ಭಾರಿ ಟೀಕೆಗೆ ಗುರಿಯಾದ ನಿರ್ಮಾಪಕಿ ಲೀನಾ ಮಣಿಮೇಕಲೈ ಅವರಿಗೆ ದಿಲ್ಲಿ ಸೆಷನ್ಸ್ ನ್ಯಾಯಾಲಯವು ಹೊಸ ಸಮನ್ಸ್ ಜಾರಿ ಮಾಡಿದೆ. ಮುಂದಿನ ವಿಚಾರಣೆಯನ್ನು ನವೆಂಬರ್ 1 ರಂದು ನಡೆಸಲಾಗುವುದು ಎಂದು ಹೇಳಿದೆ.
ವಿಚಾರಣೆಯ ಸಂದರ್ಭದಲ್ಲಿ ಲೀನಾ ಮಣಿಮೇಕಲೈ ಅವರು ಉಪಸ್ಥಿತಿ ಇರಿರಬೇಕು, ಯಾವುದೇ ಆದೇಶವನ್ನು ನೀಡುವ ಮೊದಲು ಪ್ರತಿವಾದಿಯ ವಾದವನ್ನು ಆಲಿಸಬೇಕು ಎಂದು ನ್ಯಾಯಾಲಯ ಹೇಳಿದೆ. ಲೀನಾ ಹಾಗೂ ಟೂರಿಂಗ್ ಟಾಕೀಸ್ ಮೀಡಿಯಾ ವರ್ಕ್ಸ್ ಪ್ರೈ.ಲಿ ಅವರಿಗೆ ಈ ಹಿಂದೆ ನೀಡಿದ್ದ ಸಮನ್ಸ್ ತಲುಪಿಲ್ಲ.ಆದ್ದರಿಂದ ವಾಟ್ಸಾಆಪ್, ಇಮೇಲ್ ಮೂಲಕ ಹೊಸ ಸಮನ್ಸ್ ನೀಡಬೇಕು ಎಂದು ಹೆಚ್ಚುವರಿ ಹಿರಿಯ ಸಿವಿಲ್ ನ್ಯಾಯಾಧೀಶ ಅಭಿಷೇಕ್ ಕುಮಾರ್ ನಿರ್ದೇಶಿಸಿದ್ದಾರೆ.